САҚТАУ
Сақта етістігінің қимыл атауы. 1. Аман алып қалу, қорғау. 2. Қазынада, қорда ұстау, пайдаланбай қорға жинау. 3. Жойылып кетуге мүмкіндік бермеу. 4. Жол бермеу, арашалау. 5. Бұзылып кетуден қорғау, қалпында ұстау. 6. Ұстану, бетке ұстау, өмірлік мақсат ету. 7. информатикалық. Мәліметтер тобын жедел жадтан сыртқы жадқа жазу; дайындалған құжаттарды белгілі бір ат қойылған файл түрінде дискіге жазып сақтау командасы. Сақтау аймағы. информатикалық. а) Басқа бағдарламаға қатынау кезінде ортақ регистрлердегі мәліметтерді сақтау мен шақырулар тізбешесін бақылау үшін шақырушы бағдарламамен резервтелінетін негізгі жад аймағы. ә) Жадтың кейбір аймақтарындағы ұяшықтар тізбегіне регистрлер нұсқауымен ақпараттар жазу. Сақтау ережелері. Азықтүлік шикізаттарын, өнімдерін қоймаларда ұстау үшін белгіленген ережелер. Сақтау камерасы. Вокзалдарда жолаушылардың қолжүктеріне белгілі бір мерзімге дейін иесі алғанша ұстайтын арнайы қойма. Сақтау қоймасы. сауд а. Тауарды немесе өнімді бұзбай, шірітпей т.б. ұстауға арналған арнайы жабдықталған орын. Сақтау мерзімі. Азықтүлік шикізаттарын, өнімдерін қоймаларда ұстау үшін белгіленген мерзім. Сақтау операциясы. информатикалық. Жедел жадта тұрған және редакцияланған құжатты тұрақты сақтау үшін дискіге жазу операциясы. Сақтау шығыны. экономикалық. Тауарды (өнімді, бұйымды) сатып алушыға (тұтынушыға) жөнелткенге дейін қоймаларға, басқа да сақтау орындарына орналастыруды қоса алғанда оны сақтаумен байланысты шығын.