МЕМЛЕКЕТТІК
сын есім. Мемлекетке тән, мемлекетке қатысты. Мемлекеттік айыптаушы. Құқық қызметі қылмыстық іс бойынша айыпталушының кінәсін дәлелдеуге бағытталған лауазымды тұлға. Мемлекеттік аппарат. қоғ. Заңнамада бекітілген билік бөлінісі негізінде құрылған органдар жүйесі. Мемлекеттік аумақ. Жер шарының белгілі бір мемлекетке қарасты бөлігі. Мемлекеттік бағдарлама. қоғ. саяси. Қандай да бір қоғамдықэкономикалық, әлеуметтік маңызды шаралардың жүзеге асырылуы мемлекет тарапынан мақсатты түрде көзделіп қолдау тапқан шаралардың жоба жоспары. Мемлекеттік билік. қоғ. Экономикалық, саяси, құқықтық, әскери, рухани және отбасылық билік түрлерінің арасында қоғамдық дамудың ұйытқысы әрi саяси күрестің негізгi нысаны. Мемлекеттік білім стандарты. педагогикалық. Оқу пәні бойынша оқушылардың алған білімін айқындайтын негізгі құжат. Мемлекеттік бюджет. экономикалық. Мемлекеттің белгілі бір уақыт кезеңіне арналған кірістері мен шығыстарының қаржы жоспары. Мемлекеттік емес. Мемлекеттің меншігіне жатпайтын, қоғами жекеменшік. Мемлекеттік емтихан. Оқу орнын бітірерде тапсырылатын маңызды сынақ. Мемлекеттік жаңартпалық саясат. экономикалық. Ғылыми, технологиялық және ұйымдық басқарушылық жаңалықтарды жасап, өндірісте игеру, рынокқа жылжыту саласында ғылыми-техникалық саясатты қалыптастыруға және мемлекеттің, ұлттық капиталдың және ғылыми қоғамдастықтың мүдделері үшін жасалатын шараларды жүзеге асыруға байланысты мемлекеттік қызмет бағыты. Мемлекеттік иммунитет. құқықтық. Әр мемлекеттің егемендігін танудан, бір-бірінің ішкі ісіне араласпау ережесінен тұратын тең құқықтылығы. Мемлекеттік қарыз. Мемлекетттің шығыстарды жабуына немесе мемлекеттің жүзеге асыруға қаржысы болмай тұрған мақсатты шараларды жүргізуіне арналатын қарыз. Мемлекеттік құпия. қоғ. Әскери, саяси сипаттағы жариялауға болмайтын мәліметтер. Мемлекеттік қызмет. ресми. Мемлекеттік қызметшілердің мемлекеттік органдар мен оның аппаратындағы кәсіптік қызметі. Мемлекеттік қызметшi. ресми. Мемлекеттік органда заңдарда белгіленген тәртіппен республикалық, жергілікті бюджеттен ақы төленетін қызметті атқаратын және мемлекеттің міндеттері мен функцияларын іске асыруда лауазымдылық өкілеттілікті жүзеге асыратын республика азаматы. Мемлекеттік несие. қаржы термині. Мемлекет тарапынан берілетін несие. Мемлекеттік облигация. экономикалық. Мемлекет меншігіндегі құнды қағаздар. Мемлекеттік органдар. Мемлекет құзырындағы ұйымдар. Мемлекеттік рәміздер. Мемлекеттің елдігін, тәуелсіздігін танытатын елтаңба, ту, әнұран жиынтығы. Мемлекеттік рәміздердің қабылдануы. саяси. Белгілi бір мемлекеттің ұлттық рәміздерi болып табылатын ту, әнұран, елтаңбасы жобаларының нақтыланып, көпшілік дауыспен құпталуы, бекітілуi. Мемлекеттік саясат. саяси. Мемлекеттің қоғамдық істерді жүзеге асыруға қатысуы, мемлекеттің ісқимылы мен әрекетінің формасын, міндеттері мен мазмұнын, бағытын анықтайтын идея, ұстанымдар, шаралар кешені. Мемлекеттік стандарт. Стандарттау, метрология және сертификаттау жөніндегі уәкілетті мемлекеттік орган бекіткен, міндетті және (немесе) ұсынылатын талаптардан тұратын және тұтынушылардың қалың көпшілігінің қолы жетімді стандарт. Мемлекеттік су кадастры. Судың жайкүйі, оны пайдалану және қорғау туралы деректердің жиынтығы. Мемлекеттік сыйлық. Өнер мен әдебиетте, ғылым жене техникада ашқан жаңалық пен еңбектегі табысы үшін берілетін жүлде. Мемлекеттік табыс. экономикалық. Барлық мемлекеттік органдарға түсетін табыс. Мемлекеттік тапсырыс. қоғ. Кәсіпорынға (мекемеге, ұйымға) мемлекеттің атынан нақты өнімді дайындап, тұтынушыларға жеткізу, өндірістік және бейөндірістік, ғылыми-зерттеу және басқа сипаттағы белгілі бір жұмысты орындау жөнінде берілетін тапсырма. Мемлекеттік территория. Белгілі бір мемлекет иелік ететін жер шарының бөлігі. Мемлекеттік тіл. қоғ. Мемлекеттің мемлекетқұрушы ұлтының мәртебесі Конституцияда бекітілген, бүкіл мемлекет аумағындағы қоғамдық қатынастардың барлық саласында қолданылатын мемлекеттік басқару, заң шығару, сот ісін және ісқағаздарын жүргізу тілі. Мемлекеттік хатшы. саяси. екімш. Президенттен кейінгі жоғары лауазымды тұлға. Мемлекеттік шекара. құқықтық. Белгілі бір елдің құрлықтағы немесе судағы аумағының шегін көрсететін меже. Мемлекеттік шығыстарды бағдарламалау. экономикалық. Мемлекеттік бюджетті жасау тәсілі. Мемлекеттік iшкi борыш. қаржы термині. Шығарылған, бірақ әлi өтелмеген мемлекеттік қарыздардан алынған ақшалай қаражат сомасы.