АҚША
1омоним зат есім. 1. Сауда-саттық кезінде құн өлшемi ретінде пайдаланылатын металл және бағалы қағаз. 2. экономикалық. Жалпыға бірдей балама ретінде барлық басқа тауарлардың құнын көрсететін ерекше тауар. Ақша айналымы. экономикалық. Ақшаның айналым аясындағы қозғалысы, оның айналым және төлем түріндегi қызметi. Ақша айна лымының заңы. қаржы термині. Айналымға қажет ақша мөлшерін анықтайтын экономикалық заң. Ақша айырбас. экономикалық. Айналымдағы ақшаны жаңа ақшаға айырбастау; ақша реформасы. Ақша араласқан жерде есеп-қисап керек. Ақша есеп теусіз, ретсіз жұмсалса, шашылып кетеді, ақшаны есеппен жұмсау дұрыс деген мағынада. Ақша аударымы. экономикалық. Пошта, банк байланысы арқылы бір жерден екіншi жерге ақша жіберу. Ақша баптары. қаржы термині. Қолда бар валюта бірліктерi, активтер және валюта бірлігін нақты немесе белгіленетін сомаларда алу немесе төлеу жөніндегi міндеттемелер. Ақша белгілерi. қаржы термині. Құн белгілерi; а. б. банкноттар, құны монетада көрсетілген атаулы құнынан төмен, ұсақ монеталар болып табылады. Ақша бердi. сөйлеу. Пара бердi, сатып алды. Ақша бірлігi. экономикалық. Ауыстүйіске жүретін ақша түрi, мөлшерлi өлшемi. Ақша даулады. Ақша беруін талап еттi. Ақша деген мал шықты. Байлықты, барлықты көрсететін қазақ даласындағы негізгі өлшем – малдың орнын ақша басты деген мағынада. Ақша жеу. сөйлеу. Ақшаны заңсыз ұрлап пайдалану. Ақша жүйесi. экономикалық. Белгілi бір елде қалыптасып, әдетте заңмен бекітілетін ақша айналымын ұйымдастыру түрi. Ақша кеңістігi. экономикалық. Ақшаның белгілi бір аймақта өз күшін сақтауы. Ақша қоймасы. қаржы термині. Бұл ақша қаражаттары және құндылықтар мен құжаттарды сақтау мақсатында касса лық жұмыс үшін банктерде арнайы ұйымдастырылатын бөлме. Ақша қорланымы. экономикалық. Кәсіпорындарда жасалатын қоғамның таза табысы. Ақша құны. экономикалық. Ақша өлшеміне айырбастауға болатын тауарлар мен қызмет көрсету мөлшерi. Ақшаның құнсыздануы. экономикалық. Ақшаның сатып алу қабілетінің төмендеуi. Ақшаның татын жалаған. сөйлеу. Сараң, ешкімге қайыр қылмайтын. Ақша рыногы. экономикалық. Ақша қаражатымен тауарлар ды сату және сатып алу аймағы. Ақша салды. а) Сақтық кассасына ақша өткіздi. ә) Карта, лото, домино сияқты ойындарда ұтып алу үшін ортаға ақша жинады. Ақша тапты. сөйлеу. Дүние жинады, еңбек етіп, жалақы алды. Ақша төктi. сөйлеу. Мол ақша жұмсады. Ақша түсті. а) сөйлеу. Мекеменің есепшотына, жеке есепшотқа айлық сомасы аударылды, еңбекақы берілетін болды. ә) Қалталы болды, ақшалы болды.