МАРКЕТИНГ
[ ағылшын тілі. mаrketіng ] зат есім. экономикалық. Кәсіпорынның (фирманың, бірлестіктің т.б.) өндірістікөткізу және сауда қызметін ұйымдастыруының мен басқарудың кешенді жүйесі. Маркетинг арнасы. экономикалық. Тауардың тәуелсіз өндірушіден көтере сатып алушы саудагерлерге, ал олардан әрқайсысы дербес сауда бірлігі болып табылатын бөлшек сауда саудагерлеріне барар жолы. Маркетинг атқарымы. экономикалық. Өзара байланысты іс-қимыл жасайтын ішкі және сыртқы ортаны талдау; рыноктар мен тұтынушыларды талдау; бәсекелестер мен бәсекені, тауарларды зерттеу; жаңа тауар тұжырымдамасын қалыптастыру, маркетингілік зерттеулер негізінде тауар өндірісін жоспарлау т.б. Маркетинг бағдарламасы. экономикалық. Өндіруші кәсіпорынның, сатушының және экспортшының межелі уақыт кезеңінде маркетингінің барлық салалары бойынша ісқимылдарын айқындайтын өзара байланысты шаралар жүйесі. Маркетинг делдалдары. экономикалық. Компанияның өз тауарларының алушыларға жеткізуіне, өткізуіне және олардың арасына таратуына көмектесетін фирмалар. Маркетинг жоспарын талдау. экономикалық. Қандай шығындардың неғұрлым тиімді екенін, қандай өзгерістер енгізу қажет екенін анықтауға мүмкіндік беретін түрлі маркетинг факторларының (топтың түртүрі, өткізу әдістері, өткізу аумағы, өткізу арналарына қатысушылар, сауда қызметкерлері, жарнама құралдары және тұтыну түрлері сияқты факторлар) құндық пайдалылығын талдау. Маркетинг жөніндегі басқарушы. экономикалық. Фирманың маркетингілік жағдайды талдауды және межеленген жоспарларды немесе бақылау міндетін жүзеге асырушы адамы. Маркетинг жүйесі. экономикалық. Фирманы өзінің тауарын өткізу рыноктарымен байланыстыратын неғұрлым елеулі нарықтық қатынастардың және ақпарат тасқындарының кешені. Маркетинг кешені. экономикалық. Маркетингінің бақылауға болатын өзгермелі факторларының жиыны. Маркетинг қағидаттары. экономикалық. Саудаөндірістік қызметті басқару жүйелері ретіндегі маркетингінің негізгі белгілері. Маркетинг құрылымы. экономикалық. Алға қойылған мақсаттарға қол жеткізу және мақсатты рынокты (өнімді немесе қызмет көрсетулерді, бөлуді, өткізуді, жылжытуды және бағаны қоса) қанағаттандыру үшін маркетингінің нышандарын нақты ұштастыру. Маркетинг стратегиясы. экономикалық. Кәсіпорынның (фирманың) өндірістікөткізу қызметінің перспективалық мақсатын, бәсеке нысанын, маркетинг тұжырымдамасын таңдау. Маркетинг тактикасы. экономикалық. Ағымдағы нарықтық жағдайға орайлас тиісті міндеттерді алға қойып, маркетинг стратегиясында көзделген маркетингілік шараларды жүзеге асыру негізінде қысқа мерзімді уақыт кезеңіне арналған маркетинг мақсаттарын, іске асыру. Маркетинг тұжырымдамасы. экономикалық. Нарықтық экономика жағдайында кәсіпорынның, коммерциялық ұйымның өндірістікөткізу және еңбек қызметін басқару туралы ғылыми негізделген қағидаттар жүйесі. Маркетинг шығыны. экономикалық. Кәсіпорынның (фирманың) рыноктық мүмкіндіктерін талдауға, маркетингінің кешенді шараларын әзірлеуге, оларды жүзеге асыруға және маркетинг бақылауын жүргізуге жұмсайтын жиынтық шығындары. Маркетингіні ұйымдастыру. экономикалық. Маркетингілік қызметтерді басқаратын құрылымдық түзілім.