БАЗАЛЫҚ
сын есім. Негізгi, базасын құрайтын. Базалық авиация. әскери сөз. Белгілi бір базасы, тұрақтау орны бар әскери авиация. Базалық білім. педагогикалық. Белгілi бір мамандық, ғылым саласы бойынша меңгерілуге қажеттi негізгi білім жүйесi, мемлекеттің азаматтарына міндеттi түрде берілетін бастауыш, орта білім жүйесi. Базалық жад. информатикалық. Екіншi бір жүйеге қызмет ететін компьютерлік бағдарлама жадының негізгi бөлігi. Базалық компьютер. информатикалық. Электрондық есептеуіш мәшинелер тобындағы негізгi, алғашқы компьютер.