ИНЖЕНЕРЛІК
сын есім. 1. Инженерге тән, соған қатысты. 2. Техникалық, инженерлердің қызметімен байланысты. Инженерлік ахуал. әскери сөз. Әскерлердің ұрысы міндеттерін және ұрыс қимылдарын инженерлік қамтамасыз ету міндеттерін орындауға әсер ететін факторлар мен жағдайлар. Инженерлікәскер. әскери сөз. Әскер түрлерінің жауынгерлік қимыл жүргізуіне инженерлік жағдай жасау міндеттерін атқаратын арнаулы әскер. Инженерлік барлау. әскери сөз. Жаудың инженерлік құрылыстарының дәрежесі және ұрыс қимылдары жүріп жатқан жердің сипаты жөніндегі деректерді дер кезінде алуға арналған барлау түрі. Инженерлік барлау мәшинесі. әскери сөз. Өтімділігі жоғары, сауытты, жүзгіш мәшине. Инженерлік бөгеттер. әскери сөз. Ұрыс алдында немесе оның барысында қарсылас әскерінің жылжуын тоқтату не тежеу үшін қойылатын немесе жасалатын инженерлік құралдар мен құрылыстар. Инженерлік геодезия. геологиялық. Кен іздеуде, инженерлік ғимараттарды салуда пайдаланылатын өлшеу тәсілдері мен құралдарды зерттейтін геодезия ғылымының саласы. Инженерлік гидрология. су шаруашылық. Инженерлік сушаруашылық мәселелерін шешуде гидрологияны тәжірибелік мақсатта қолдану мен тікелей байланысты құрлық гидрологиясы аймақтарының жиынтығы. Инженерлік геоқозғалыс. Геологиялық үдерістердің морфологиясын, себептерін, т.б. қарастыратын инженерлік геологияның ғылыми бағыты, инженерлік геодинамика. Инженерлік геология. құрылыс. Ғимаратқұрылыстар салынатын грунттардағы үдерістерді зерттейтін геология. Инженерлік дайындық. әскери сөз. Әскер түрлері мен арнайы әскерлердің бөлімшелерінің, бөлімдер мен құрамаларының жеке құрамына соғыс қимылдарын қамтамасыз ететін инженерлік міндеттер мен шараларды үйрету. Инженерлік жұмыстар. техникалық. Инженерлік бөлімдер жергілікті жерді қорғаныс үшін жабдықтау кезінде, өткелдер құрылысын тұрғызуда орындайтын және басқа да, негізінен, арнайы дайындықты, білім мен дағдыны талап ететін жұмыстар. Инженерлік [ құрылыс ] құрылыстар. техникалық. а) әскери сөз. Ұрыс алдында немесе ұрыс кезінде қарсыластың қимылын тежеу немесе тоқтату үшін жасалатын, тұрғызылатын әртүрлі нысандар. ә) Әртүрлі қиындықтағы техникалық білім, біліктілік, құралжабдықты қажет ететін қорғаныстық, сәулеттік т.б. маңызы бар нысандар. Инженерлік қызмет. техникалық. Құрылысмонтаж ұйымдарының негізінде құрылатын зақымданған ошақта паналау ғимараттары мен орындарын салу, адамдарды түрлі апат зардаптарынан құтқару сияқты т.б. жұмыстарды атқаруға бағытталған қызмет. Инженерлік мина. әскери сөз. Қарсыластың адам күші мен ұрыс техникасын шығынға ұшырату мақсатында миналықжарылғыш бөгеттер жасауға, жолдар мен әртүрлі құрылыстарды бұзуға, қарсыластың маневрі мен қозғалысын қиындатуға арналған инженерлік құрылғы. Инженерлік мүлік. әскери сөз. Инженерлік қару-жарақ, инженерлік техника, фортификациялық құрылыстар сияқты т.б. техникалық білім, құралжабдықтың күшімен жасалған нысандар. Инженерлік оқдәрілер. әскери сөз. Инженерлік миналар, қопару зарядтары, минасыздандыру зарядтары және жарылғыш құралдар, от жүргізу бауы, т.б. техникалық, соғыс дәрідәрмектері. Инженерлік техника. әскери сөз. Ұрыс қимылдарын инженерлік тұрғыдан қамтамасыз етуге арналған техника түрлері. Инженерлік психология. психол. а) Адам мен мәшине арасындағы ақпараттық өзара әрекеттестік үдерістері мен құралдарын, яғни құралмен, мәшинемен және тағы басқа. жұмыс жасайтын адамның мінезқұлқын зерттейтін психология саласы. ә) Құралжабдықтар, механизмдер, жұмыс орнын, еңбек жағдайын және тағы басқа. жасау проблемалары қарастырылатын өндірістік және ұйымдастыру психологиясымен байланысты қолданбалы пән. Инженерлік іздеулер. техникалық. Құрылыс ауданының мақсатқа лайықтылығы мен орналасқан жерінің дұрыстығын негіздеуге, жаңа объектілерді жобалауға немесе пайдаланып жүргендерді жаңғыртуға қажет мәліметтерді