ҚҰРЫЛЫМДЫҚ
сын есім. Құрылымына сай, соған тән. Құрылымдық артықтық. информатикалық. Жүйе құрылымын күрделендіру есебінен ендірілген жүйе артықшылығы. Құрылымдық әдіс. геологиялық. Таужыныстар дың бір-бірімен астасу пішіндерін және олардың құрылымбітім ерекшеліктерін саралауға негізделген зерттеу әдісі. Құрылымдық валюта саясаты. экономикалық. Дүниежүзілік валюта жүйесіндегі ұзақ мерзімді құрылымдық өзгерістерді жүзеге асыруға бағытталған шаралар жиынтығы. Құрылымдық геология. геологиялық. Жер қыртысына қарасты таужыныстардың астасу және тектоникалық бұзылыс пішіндерін зерттейтін геотектоникалық ғылым тармағы. Құрылымдық дағдарыстар. экономикалық. Циклдік емес сипаттағы ауқымы кең дағдарысты құбылыстар; ұлттық шеңбердегі және халықаралық ауқымдағы ұдайы өндірістің объективті түрде қажетті түйінді үйлесімділіктерінің терең, ұзақ мерзімді сипатта бұзылуы. Құрылымдық жұмыссыздық. экономикалық. Сұраныс пен өндіріс технологиясының құрылымындағы өзгерістерден туындайтын, кәсіпорындарда жаңа кәсіптердің, жұмыс орындарының пайда болуына, ескілерінің жойылуына апарып соқтыратын жұмыссыздық түрі. Құрылымдық изомерия. химиялық. Химиялық қосылыстардың құрылымдық элементтерінің байланыс реті әртүрлі, бірақ құрамдары бірдей болып келетін изомериясы. Құрылымдық индекс. геологиялық. Корреляция индексі алдымен мұнай фракцияларының көмірсутекті құрамын сипаттау үшін берілген (Smіth, 1940) шартты параметр. Құрылымдық карта. Тектоникалық пішіндердің тұрқы мен түрін бейнелейтін карта. Құрылымдық модель. информатикалық. Құрылым түрінде берілген мәліметтер моделі – мәліметтер типтері мен олардың арасындағы байланыстаржиыны түрінде ұсынылған мәліметтер моделі. Құрылымдық психология. психол. а) Психологияның пәні сана элементтері және олардың арасындағы арнайы жаттыққан интроспекция арқылы табылатын құрылымдық қатынастар деп санаған бағыт. ә) Ж. Пиаженің зияттың негізінде жатқан ойтүсініктерінің құрылымдарын қарастыратын когнитивті даму теориясы. Құрылымдық синтездеу. информатикалық. Дерексіз синтездің нәтижесі бойынша элементарлық автоматтардың қызметтік эквиваленттік желісін, әдеттегідей екілік алфавитте құру. Құрылымдық схема. информатикалық. Процестерді ұйымдастыру, талдау немесе мәселені шешу тәсілдерін графикалық ұсыну. Құрылымдық талдау. а) Металдар мен материалдардың кристалдық құрылымын рентген сәулелері, электрондар мен нейтрондардың дифракциясы арқылы зерттеу. ә) Тілді, әдебиет пен өнер шығармаларын, жалпы мәдениетті, этникалық қауымдастықтарды зерттеуде кеңінен қолданылатын парадигмалық, жүйелілік тұрғыдан талдау әдістері. б) химиялық. Үлгінің құрылымын анықтау мақсатында жүргізілетін талдау әдісі. Құрылымдық терраса. геологиялық. Қабаттардың жалпы моноклин кеңістік аясында көлбеу немесе соған жақын жатқан бөлікшесі. Құрылымдық фактор. физикалық. Кристалдың элементар ұяшығының рентген сәулеленудің, гамма сәулеленудің және нейтрондардың ұяшықтың ішкі құрылымына тәуелді конгерентті шашырау қабілетін сипаттайтын шама.