МАҚСАТ
[ араб тілі. ] зат есім. 1. Белгілі бір нысанаға жету жолында қойылған міндет, нысана. 2. Тілек, арман, мұрат. 3. педагогикалық. Алда орындалатын әрекет нәтижесінің айқын бейнесі. 4. психол. Ойлау процесі нәтижесінде алдын ала болжау арқылы туатын мұрат, ішкі қозғаушы күш. Мақсат градиенті. педагогикалық. Мақсатқа дейінгі «психологиялық қашықтыққа» байланысты ісәрекетті тудыру күшінің өзгеруі. Мақсат етті [ қойды ]. Алда орындауға тиісті әрекет ретінде көздеді, алдына мақсат қып қойды. Мақсат көрді. Міндет санады. Мақсатқа жетті. Ойлағанын орындады, ойындағысын жүзеге асырды, дегені болды. Мақсатқа талпынушылық. педагогикалық. Алға қойған мақсатын қайткен күнде де орындап шығудан, бастаған істі нәтижелі етіп тындырудан көрінетін ұнамды қасиет. Мақсаттар базасы. информатикалық. Сараптау жүйесінің ретін анықтайтын, жүйені әрекетке итермелейтін түрткі қасиеттерін іске асыруды жасақтайтын және пәндік саланың мақсаттық сипаты туралы ақпараты бар сараптау жүйесінің құраушысы. Мақсат тұту. Мақсат қою, мақсат көздеу. Мақсат іздеді. Ізденді, талаптанды.