КӘСІБИ
сын есім. Белгілі бір кәсіпке, мамандыққа тән. Кәсіби аурулар. медициналық. Белгілі бір мамандыққа байланысты кәсіпорынның зиянды әсерінен болатын кесел, дерт. Кәсіби бағдар. педагогикалық. Жастарға, мектеп бітірушілерге мамандық таңдауға көмектесетін, бағыт беретін шаралар жүйесі. Кәсіби боксшы. спорт. Кәсіби бокстың ережесі бойынша өнер көрсететін, жекпежекке шыққаны үшін ақшалай сыйақы талап ететін, кәсіпқойлар клубының мүшесі болып есепте тұрған боксшы. Кәсіби дайындық. педагогикалық. Белгілі кәсіп бойынша арнаулы білім, дағды, шеберлік, еңбек тәжірибесін қалыптастыру. Кәсіби деңгей. Кәсіби біліктілік, мамандығын меңгеру дәрежесi. Кәсіби саясат. жаңасөз. Жеке тұлғаның кәсібі болып табылатын жоғары технологиялар бойынша саясат жүргізу ісіне қатысты саяси кеңестер мен ұсыныстар беруге негізделген адам қызметінің бір түрі. Кәсіби сөздер. лингвистикалық. Нақтылы бір мамандықпен байланысты айтылатын сөздер. Кәсіби спорт. Спортшының спортты өзінің айналысатын негізгі ісі, өмір сүруіне қажетті жағдайларды қамтамасыз етудің көзі мен отбасын асырау үшін қаржы табудың жолы етіп алған спорттың жеке түрі.