ІС
1омоним зат есім. 1. Еңбек, жұмыс, қарекет, шаруа. 2. Жасалған бұйым, тауар. 3. Оқиға, жағдай. 4. Нәрсе, жұмыс. 5. Қылық, әрекет. 6. Тігін жұмысы. 7. Қылмысты жұмыс, қылмысты адам туралы қаралатын мәселе. 7. ауыспалы мағына. Ойға алған шаруа, мақсат, ниет. 8. ауыспалы мағына. Үлгі, өнеге. Іс жемісті болсын! тіле к. Шаруа оңға бассын деген мағынада айтылатын сөз. Іс жүзінде. а) Жұмыстың орындалу кезінде, жағдайдың барысында. ә) Ақиқатында, дұрысында, шын мәнінде. Іс жүргізді. Жүзеге асырды, орындатты. Іс жүргізу. заң. Мемлекеттік және мемлекеттік емес орындардағы ісқағаздарын жүргізу қызметі. Іс жүргізу жұмысы. Кеңсе жұмыстары, ресми, іскери жұмыстар. Іс жылжыды. Жұмыс, шаруа алға басты. Іске алғысыз. Жарамсыз, түкке тұрғысыз, құнсыз. Іске араласты. Жұмыс, қызмет істеді. Іске асар. Беткеұстар, бір керегіне жарар, бір пайдаға асар, iліп алар, iске жарайтын. Іске аспады. Кәдеге жарамады, пайдасы болмады. Іске асырды. Істедi, орындады. іске асыру. а) Бірдеңені жүзеге асыру, жүргізу. ә) Қабылдаған бағдарламаны орындау. Іске асырылды. Жүзеге асырылды, орындалды. Іске жарағысыз. Жарамайтын, керексіз. Іске жарады. Қажетін өтеді, пайдаға асты. Іске жарату. Қажетіне пайдалану. Іске кірістi. Белгілi бір шаруаны, тапсырманы iстеуді дереу қолға алды, бастап кеттi. Іске қосты. Жұмыс істетті, қызметке, айналысқа кіргізді. Іске қосу. а) құрылыс. экономикалық. Жаңадан салынған құрылыс объектілерін немесе күрделі жөндеуден өткізілген немесе айналымнан тыс активтерге жатқызылған басқа да активтерді шаруашылықта пайдаланудың, қолданудың басталуы. ә) Жұмысын бастау, қызметке, айналысқа кіргізу. іске қосылды. а) Жұмыс істеуге кірісті, қосылды, жұмыс істеді. ә) Қатыстырылды, жұмысқа тартылды. іс қылу. Әрекет ету, іске кірісу. Іске мұрындық болды. Бар жұмысқа бастаушы болды. Іске сәт! тіле к. Ісінің реті түссін, орайы келсін деген мағынадағы жылы лебіз. Іске тартты. жергілікті сөз. Жауапқа тартты. Іске татиды. Қажетке жарады, пайдаға асты. Іске татыр. Жарамды, іліп алар, әжетке жарар. Іс насырға айналды. Жұмыстың ыңғайы жамандыққа бет бұрды. Іс насырға шапты. Асқынды, қиындай түсті. Іс сәтті болсын. тіле к. Ойға алғаның, дітің орындалсын деген мағынадағы лебіз, тілек сөз. Істен шығу. информатикалық. а) Белгілі бір команданың орындалуы алдында жария етілетін төтенше жағдай [ қызмет атқару блогының талап етілген міндеттерді орындау мүмкіндігінен толық немесе жартылай айырылуы ]. ә) Құрылғының өз қызметін орындай алмайтын дәрежеге жеткенін көрсететін физикалық құбылыс. Істен шықты. Жарамай қалды, бүлінді. Іс түбін насырға шапқызу. Бүлдіру, құрту. іс тындырды [ бітірді ]. Бір шаруаны бітірді, орындады. Істі жапты [ Жым-жылас жапты ]. Қылмысты кісінің тергеуге түскен ісін қарауға, тексеруге жатпайтын етіп қорытынды шығарды (көбіне ұнамсызмағынада қолданылады). Істі жым-жылас жапты. Қылмысты кісінің тергеуге түскен ісін қарауға, тексеруге жатпайтын етіп қорытынды шығарды (көбіне ұнамсыз мағынада қолданылады). Істі сырттай қарау. зат есім. а) Қылмыстық істе: соттың істі сотталушы адамның қатысуынсыз қарауы. ә) Азаматтық істе: соттың істі талапкердің не жауапкердің немесе екеуінің де қатысуынсыз қарауы. Іс тікті. Киім тікті. Істің көзін [ қыбын ] білдi. Жұмыстың орындалу тетігін, жүйежүйесін, орайикемін тауып iстедi істің көзін білді. Жұмыстың орындалу тетігін, жүйежүйесін, орай икемін тауып істеді. Істі шешу. Даулы мәселелерді реттеу. ісі болмады [ жоқ ]. Көңілі аумады, еш нәрсемен шаруасы болмады, мән бермеді. Ісі далаға кетті. Бар еңбегі зая болды, босқа бейнет етті. Ісі жоқ. Шаруасы болмау. Ісін бұздырды. құқы қ. Сот үкімi орынсыз деп табылды, теріске шығарылды, қылмыстық iс тоқтатылды, жабылды. Ісі мақұл болды. Жұрт ұнатқан іс туралы айтылады. ісім сенімен түссін. Ісім сенімен болсын. Ісіне мығым. Шаруасын тындырымды істейтін адам туралы айтылады. Ісінен түңілді. Істеген әрекетінен көңілі қалды. Ісін қуды. Біреуді (өзін) ақтауға әрекет жасады. ісін қуды. істі болуына байланысты жоғарғы орындарға арызданды, шағым етті. Ісің игілікті болсын! Ісің оңынан келсін, олжалы бол! Ісі орнықты. Шаруасы тыңғылықты, ісі көңілге қонымды. Ісі өнді. Жұмысы жақсы бітті, шаруасы ілгеріледі. ісі өрге баспады. Жұмысының сәті болмады, кесір-кедергі көп болды. Ісі теріске айналды. Жұмысының сәті болмады, кесір-кедергі көп болды. Ісі теріске айналды. Ісі насырға шапты. Ісі түскенде – мүсәпір, ісі біткенде – кісәпір. Ісі түскенде ғана танып, тауып, басқа уақытта керек етпейді деген мағынада. Ісі түсті. Біреуге жүзін салды, кіріптар болды, тәуелді болды, біреумен еріксіз байланысты болды, мұқтаждыққа ұшырады. Ісі түсті. Кіріптар болды, тәуелді болды. Ісі шалысқа кетті. Ісі теріс кетті, дұрыс болмады.