ОЙ
1омоним зат есім. 1. Объективтік шындық туралы түсінік, пікір, ұғым. 2. Ақыл, ес. Ой ағымы. Ой желісі, ойлау. Ой арнасы. Ой-пікір желісi, жүйесi, өзегi. Ой астары. Көкейдегi жасырын сыр; сөзбен берілген пайымның iшкi мазмұны. Ой ауды. Көңілі әр нәрсеге ауытқыды. Ой әдісі. Ойлау тәсілі. Ой басты. Қалың ойға қалды, ой азабына түсті. Ой бернесі [ пернесі ]. Ой жүйесі. Ой биледi. Терең ойға батты, көп ойланды. Ой бөлді. Бір нәрсеге назар аударды, ынта қойды. Ой бөлістi. Пiкірлестi, ойларын айтты. Ойға алды. а) Есіне түсірді, ойлады. ә) Мақсат тұтты, көздеді. б) Елепескерді, санасты. Ойға батты [ қалды, түсті, шомды ]. Неше түрлі ой жетегінде болды, ойланды. Ойға батырды. Ойландырыптолғандырды, терең ойға шомдырды. Ойға енді. Есіне түсті, ойға келді. Ойға келді. Белгілі бір тұжырымға, тоқтамға келді. Ойға кетті. Өткенкеткенді еске түсірді. Ойға кетіңкіреді. Басқа ой ойлады, пікірін өзгерте бастады. Ойға көмілді. Қалың ойға шомды, ой басты. Ойға қалды. Әрібері ойлап басын қатырды, уайым жеді. Ойға қалдырды. Ойландырды, ой салды. Ойға малтыды. бейнелі сөзқолданыс. Көп ойланды, небір ойға берілді. Ойға қонымды. Ақылға, көңілге сыйымды; түсінікті. Ойға олақ. Ойы таяз, ақылсыз, ақылы келте. Ойға оралды. Еске түсті. Ойға салды. а) Ойландырды, ойға қалдырды. ә) Еске түсірді, үйретті. Ойға түсті. а) Ойға берілді. ә) Еске келді, еске түсті. Ойға тізді. Егжей-тегжейлі еске түсірді, өткенді бүгешігесіне дейін еске алды. Ойға шомды. Неше түрлі ой жетегінде болды, ойланды. Ойға шомдырды. Ойландырды, неше түрлі ойға жетелетті. Ойда болды. Есінде сақтады, ұмытпады. Ойдағы жоқ. Ойға келмеген, күтпеген (нәрсе). Ойда дәнеме [ дым ] жоқ. а) Жаман ой, ниет жоқ. ә) Ештеме жоқ, қанненқаперсіз, алаңсыз. Ойда жоқ жерден [ жерде, жоқта ]. Аяқ астынан, күтпеген жерден, кенеттен, тосыннан. Ойдан ағытты. Ойдан шығару туралы. Ойдан баз кешті. Көңілден түңілді. Ойдан кетпеді. Ұмытпады, естен шықпады. Ойдан шығарды. Жанынан шығарып айтты, ойдан құрастырды. Ойдан шықпады [ кетпеді ]. Ұмытылмады, есте қалды, жадында сақталды. Ойдан шықты. а) Ұмыт болды, естен кетті. ә) Көңілдегідей болды, ойлағанындай болды. б) Ойлады, ойлап болды. Ой дариясына малтықты [ шалды ]. поэтикалық. Терең ойға берілдi, ойға шомды. Ой дәмін [ дәмінен ] татты. Ойға беріліп кетті. Ой дүниесі. Ақыл-ой жемісі, сана, рухани әлем. Ойды [ ойын ] жүдетпеді. Ойды толық жеткізді. Ойды қозғады. Көңілді тербетті, ойды түрткіледі. Ойды ой қозғайды. Ойдан ой туады. Ойды тарқату. Тартып айту, баяндау. Ойды үнемдеу принципі. философиялық. Танымның ақиқат өлшемін максимум білімге минимум таным құралдары арқылы жетуге болады деп білетін Мах және Авенариус енгізген субъективтіидеалистік көзқарас. Ой екпіні. лингвистикалық. Белгілі бір сөзге (мағынаға) баса көңіл аудару үшін, оны сөйлемдегі басқа сөздерден өзгешелеп айтатын екпін. Ой елегінен өткізді [ елегіне салды ]. Еске түсіріп салмақтады, іштей жанжақтылы талдады. Ой елеуіші. Ой елегі, ойталқысы. Ой емді. Ой кернеді, мазалады. Ой еңбегі [ жұмысы ]. Шығармашылық еңбек, зияткерлік кәсіп. Ой жемісі. Ойлау нәтижесі. Ой жетпейді. Ой жеткісіз, болжап болмайды. Ой жүгіртті. Әр жайды ойша барлады, шолу жасады. Ой жіберді. Ой жүгіртті, ойланды. Ой исінер. Ой тоқтатар, ойға қонар. Ой келді. Пікір туды. Ой кернеді. Ой биледі. Ой кешті. поэтикалық. Үнемі ой үстінде жүрді. Ой көзі. Ойы, санасы, ояу көкірек, зейін. Ой көзімен тыңдады. Зейін салды, ынта қойды. Ой кірді. Ақылесі, санасезімі өсті. Ой қажытты. Ой шаршатты. Ой қамады. Ой басты, ойсоқты болды. Ой қамалады. Ой басты, қаптады. Ой қозғарлық. Ой саларлық. Ой қорытындысы. педагогикалық. Бірқатар пайымдаулар салыстырылып қорытылатын ойлау нысандарының бір түрі. Оймен тон пішті. Сыртынан шешім айтты. Ой ойлады [ қылды ]. Бір нәрсені мақсат етті, армандады. Ой өлкесі. Ой өрісі, ішкі дүниесі. Ой сабақтау. Ой өрбіту, ойын айту, пайымдау. Ой салды [ тастады ]. Ойландырды, толғандырды. Ой таппады. Іздемеді, ойланбады. Ой тербетті. Ойға батты, ой, қиял жетеледі. Ой тереңіне сүңгулі. Терең ойға шомған, ойға батқан. Ой тиегі. Түйткіл, кілтипан, күдік. Ой тоқтатты. а) Тұрақты пікірге, бір тоқтамға келді. ә) Ер жетті, ақылы кірді. Ой туды [ түсті ]. Жаңа пікір пайда болды. Ой түбіне жетпеді [ жете алмады ]. Көп ойланды, ой ұшығын ұстай алмады. Ой түбіне жетті. Ойланыпойланып, нақты бір шешімге келді. Ой түйгізді. Түйсіндірді, ойға келтірді. Ой түйді. Ойын жеткізді, тұжырымдады. Ой түкпірін ақтарды. Түпкі оймүддесін жайып салды, сырын айтты. Ой түрмесі. поэтикалық. Ой шырмауы. Ой түсті. а) Еске әр нәрсе келді, өткенді еске алды. ә) Ақылы кірді, ойланды. Ой ұшы. Ойдың түйіні, тоқ етері. Ой шығару. Ойлай білу. Ой шырмады. Ой иектеді, мазасын алды. Ойы ауды. Көңілі бөлінді, алаң болды. Ойы бар. Көңілі, ниеті бар, іштей қалады. Ойы басқа [ бөлек ]. Өзге пікірде, жұрт ұйғарған пікірден шет. Ойы бөліндi. Ойы басқа нәрсеге ауды. Ойы бұзылды. а) Бұрынғысынан айныды. ә) Көңілi ауды, есi кеттi, мазасынан айырылды. Ойы бір жерден шықты. Ойлары бір болды, мүдделес, пікірлес болды. Ойы дал-дал болды. Ойы сан саққа шашырады, жүйесіздендi. Ойы кетті. Көңілі ауды. Ойына алды [ алмады ]. Есіне түсірді, ескерді. Ойына келгенін істеді [ қылды ]. Не істеймін десе де өзі білді, еркінсіді. Ойына келді. Есіне түсті, жадына келді. Ойына кіріп те шықпады [ кіріпшықпады ]. Қаперіне де iлмедi, керек қылмады, мән бермедi. Ойынан шықты. Көңілдегідей болды, діттегені орындалды. Ойына салды. Есіне түсірді. Ойына түсірді. Есіне алды, ойлады. Ойына түсті. Ойына келді, есіне келді. Ойын ашқан жоқ. Өз пікірін ашып айтпады, ойлаған ойын жасырды. Ойын бөлді. Көңілін басқаға аударды, ойын шатастырды. Ойын бұзды. Ойын бөлдi, ой желісін үзіп кеттi. Ойында қалды. Жадында, көңілінде сақтады. Ойын жұлымдады. Ойын сансаққа жүгіртті, шым-шытырық етті. Ойын ортаға салды. Жұрттың ойын білгісі келді, пікірлесті, ашық сөйлесті. Ойын тербетті. Көңілін аялады, сезімін оятты. Ойы онға бөлінді. Не істерін білмеді, делсал болды. Ойы онға, санасы санға бөлінді. Не істерін білмей, дәлсал болды, басы қатты. Ойы таза. Бөтен ойы жоқ, жат ойдан аулақ. Ойы тарылды. Не істерін білмей дағдарды, қапа болды, қайғырды.