ЖАСЫРЫН
сын есім. 1. Жария, ашық емес, құпия; әйгілемей, ешкімге білдірмей, сездірмей. 2. Қалтарысы бар, көзден таса. Жасырын ат. Шын аты емес, бүркеншік есімдік. Жасырын әдебиет [ кітап ]. Үкімет тарапынан тыйым салынған, ашық пайдаланылмайтын шығарма. Жасырын девальвация. экономикалық. Ресми жария етілмеген девальвация. Жасырын емес. Құпия емес, белгілі. Жасырын жебе ату. жергілікті сөз. Жасырын қастық ойлау, астыртын өш алу. Жасырын кристалдық құрылым. геологиялық. Микроскоппен қарағанның өзінде ажыратуға келмейтін өте майда түйіршікті кристалдық құрылым. Жасырын күй. медициналық. Аурудың сыртқа көрінбейтін қалпы. Жасырын мәтін. информатикалық. Арнайы бұйрық берілмеген жағдайда, яғни алдын ала (үнсіз) келісім бойынша баспаға және экранға шықпайтындай етіп дайындалған құжат мәтінінің бөлігі. Жасырын оолиттік құрылым. геологиялық. Микроскоппен ғана ажыратуға болатын майда оолиттік құрылым. Жасырын сыр. Құпия сыр. Жасырын файл. и н ф. Каталогтағы файлдардың жалпы тізімде көрсетілген файлы. Жасырын ұйым. Астыртын жұмыс жүргізетін ұйым.