ШЫҒАРМАШЫЛЫҚ
зат есім. кітабистиль. Шығарма тудырушылық, шығарушылық. Шығармашылық белсенділік. Ой еңбегін дамытудағы жігерлілік. Шығармашылық еңбек. Ой еңбегінің жемісі, ой ізденісінің нәтижесі. Шығармашылық қызмет. заң. Мәдениетті, соның ішінде әдебиетті, өнерді, дизайнерлік, сәулет, зерттеу және өзге де шығармашылық қызметті жаңғырту мен дамытуға үлес қосатын қызметтің барлық түрлері. Шығармашылық ойлау. педагогикалық. Субъективтік жаңа өнімнің жасалуымен және оны жасау жөніндегі танымдық ісәрекеттің өзіндегі жаңа түзілімдермен сипатталатын ойлау түрлерінің бірі. Шығармашылық психологиясы. педагогикалық. а) Адамдардың ғылым, әдебиет, музыка, бейнелеу және сахналық өнер, өнертапқыштық және рационализаторлық салаларындағы шығармашылық қызметін психологиялық зерттеулер саласы. ә) Суреткердің өмірді танудағы, мәдени қазынаны жасаушы ретіндегі жеке психологиясы, жаңа бір туындының қиялда туғанынан бастап, оның аяқталуына дейінгі динамика, яғни көркем шығарма жасаудағы жалпы және жекелеген заңдылық процесі, шығармашылық психологияның ерекшелігін зерттейтін әдеби, ғылыми көзқарас.