ТӨМЕН
үстеу. 1. Жоғарыға, биікке қарама-қарсы жақ, еңіс. 2. ауыспалы мағына. Ой, ылди, етек. 3. ауыспалы мағына. Өзен ағысының аяққы бөлігі, төмен жақ. 4. ауыспалы мағына. Көңілдегідей жақсы емес, нашар. // Артта қалған, деңгейі пәс. Төменге түсті. Ылдилады, таудың етегіне құлдырады. Төмен дәрежелі метаморфизм. геологиялық. Жасыл тақтатастар фациясы. Төмен ескен жел. географиялық. Вертикаль құрамдасымен қосылып, аңғар бойымен немесе беткейімен төмен қарай ескен жел; мыс., фен, бора, ағынды жел, мұздық желі және тағы басқа. Төмен қарайғы. Төмен жағындағы, төменгі. Төмен қарады [ басын төмен салды ]. Жерге қарады, тұнжырады. Төмен қолды. Нашар, өтімді емес (тауар). Төмен санады. Біреуді өзінен кем деп есептеді, кемітті.