ЗЕР
1омоним зат есім. 1. Әшекей, сән бұйымдарын жасауға пайдаланылатын әдемі, сары түсті қымбат металл, алтын, тіллә. 2. Алтын, күміс, мыс талшықтары араластырыла тоқылған қымбат мата, материал, оқа. // Зермен әшекейленген, безендірілген, зер жүргізілген. 3. Зермен безендірілген ою, өрнек, әшекей. Зер белбеу. этнографиялық. Алтын шытыралармен әшекейленген, зерленген белбеу. Зер жіп. Алтын яки күміс сымы; алтын мен күмістің жіңішке талшығы. Зер кілем. Зер шашақты, түкті кілем. Зер қазына. Алтын қоры. Зер салды. Зермен әшекейледі, зерледі. Зер сырға. Алтын сымынан нәзік те әшекейлі етіп жасаған сырға түрі. Зер тоқу. Зер жіптерін араластырып тоқу, өру. Зер төгу [ шегу ]. Алтын, күміс, жез жіптермен кестелеу, зермен көркемдеп тігу. Зер ұстады. Зер салды, зерледі. Зер шашақ. Алтынды шашақ; түсті металл сияқты жіптен түйген шашақ. Зер шашақты алқа. Салпыншағы мол, бірнеше шашақты сәнді алқа. Зер шекті. Зерледі, зермен әшекейледі.