НЕШЕ
есімдік. Заттың сан мөлшерін білу үшін жұмсалатын сұрау есімдігі. Неше алуан. Сан түрлі, алуан-алуан, көп. Неше атасы. экспрессивті. Неше түрі, небір түрі, ең бір ерекшелері. Неше дүркін. Қаншама рет, бірталай мәрте. Неше жолай. жергілікті сөз. Бірнеше рет. Неше замат. Әлденеше, талай рет; көп уақыт. Неше кәрре. жергілікті сөз. Бірнеше рет. Неше тарау жұрт. Әр алуан топтан тұратын әлеумет. Неше түрлі [ қилы ]. а) Әртүрлі, сан түрлі, түрлі-түрлі. ә) жағымсыз. Қай-қайдағы. // қилы-қилы, небірнебір, бір-біріне ұқсамайтын кез, кезең, оқиға т.б.