ТОН
1омоним зат есім. 1. Иленген қой терісінен жүнін ішіне қаратып тіккен жылы, қыстық сырткиім. 2. көнерген сөз. киім. 3. этнографиялық. қадірлеу, құрметтеу нышаны ретіндегі сыйлық немесе айыппұл таралғысы ретінде берілетін құн өтемі. Тон жамылды. Арам пиғылын бүркемеледі, жасырын әрекеттенді. Тонның ішкі бауындай. Біте қайнасқан, етене жақын өз адамындай. Тон пішті. Сырттан долбар жасады. Тоны келте [ қысқа ]. Қолы қысқа, кедей, жарлы. Тонын айналдырды [ айналдырып киді ]. Адал болғансып, арам, бұзық ниетін бүркемеледі. Тонына сыймады. Күпсініп мақтанды, күпінді. Тоны сұлу. Киімдері келісті, әдемі. Тоны сұлу тұғыр. жергілікті сөз. Кеще, тоғышар. Тоны тозбайды, аты азбайды. Аш-жалаңаш болмайды, қатардан қалмайды.