ӘЛЕМ
1омоним [ араб тілі. ] зат есім. 1. Жер жүзi, дүниежүзi, жиһан. 2. Жер бетін мекендеушi барлық халық, әлеумет. 3. Табиғат дүниесінің жеке-жеке бөліністерi, түрлерi. 4. ауыспалы мағына. Тiршіліктегi әртүрлi құбылыстар, салалық бөліністер. Әлемге аян. Дүниежүзіне белгілi, әйгілi, танымал. Әлемге әйгi [ әйгілi, аян ]. Дүние жүзіне белгілi, танымал. Әлемге жар салды [ паш еттi, танытты ]. поэтикалық. Дүниежүзіне жария еттi, білдірдi; жер жүзi халқы білдi. Әлемнің жетi кереметi. Б. з. б. 3 ғасырда Ескендір Зұлқарнайын (Александр Македонский) Кiшi Азия, Орта Азия, Мысыр, Оңтүстік Үндістан аумағын жаулап алып, ұлы империя құрғаннан кейін, саяхатшыларды қызықтыру үшін осы өңірлердегi жетi орыннан таңдаған сәулет өнерi ескерткіштерi. Әлем чемпионаты. спорт. Дүниежүзілік деңгейде өткізілетін спорт жарысы.