ТЕХНОЛОГИЯЛЫҚ
сын есім. Технологияға тән, технологияға қатысты. Технологиялық болжау. Шығарылатын бұйымдардың тұтынылу қасиетінің және пайдаланылатын технологияның келешекте ықтимал жаңартылуын айқындайтын және өндірістік шығындардың құрылымындағы ықтимал өзгерістерді бағалайтын болжамдау. Технологиялық детерминизм. Технологиялық өзгерістер қоғам дамуының негізі болып табылатын және әлеуметтік ұйымдастыру, экономика, қоғамның мәдениетіне және оның құндылықтарына елеулі ықпал ететін әдістеме. Технологиялық процесс [ үдеріс ]. Кез келген тетікті, жартылай өнімді, бұйымды жасау үшін жұмысшылар мен еңбек құралсаймандарының бірлесе жасаған қызметі; өндіріс процесінің бір бөлігі.