ТЕМІР
зат есім. 1. Берік және салмақты металл; шойын мен болаттың негізгі бөлігі. 2. химиялық. Элементтердің периодтық жүйесінің VІІІ тобындағы химиялық элемент. 3. ауыспалы мағына. Шыдамды, төзімді. Темір ағашы. Сүрегі темірдей қатты әрі берік ағаш. Темір бактериялары. биологиялық. Морфологиялық және физиологиялық жағынан ерекше, әртүрлі таксономиялық топқа жататын көптеген прокариоттардың ішінде клетка бетінде темір мен мырыш тотықтарын тұндырып, жинайтын қабілеті бар микроорганизмдер. Темір дәуірі. тарихи. Адамзат тарихында қола дәуірін алмастырған, аса маңызды әлеуметтікэкономикалық, саяси, демографиялық, технологиялық өзгерістерді дүниеге әкелген жаңа кезең. Темірді қызған кезінде [ қызуында ] соқ. Әр нәрсені өз уақытында, дер кезінде істе, мезгілін өткізіп алма деген мағынада. Темір ер. жергілікті сөз. Ершік, ыңыршақ. Темір етік. спорт. Тас немесе жердегі жолмен жарысқан кезде мотоциклші киетін спорт киімнің бір түрі. Темір етіктен теңгедей, темір таяқтан тебендей қалғанда. фоль к. Арыпашып әбден болдырғанда, титығы жеткенде. Темір жаба. жергілікті сөз. Шөп үйетін айыр. Темір жосасы. Борпылдақ, ұнтақталған минералды жиынтық. Темір келi. Шойыннан құйылған келі. Темір кендері [ кентастары ]. Құрамынан темірді бөліп алу экономикалық жағынан тиімді болып табылатын минералдық түзінділер. Темір киген. Сауыт киіп, сайман асынған. Темір көзді. Темірмен қоршалған тор көзді. Темір көзді сарай. Абақты. Темір қанат. Қанаты қатая бастаған, ұшуға талпына бастаған. Темір қара көк. Қара күреңденген түс (аттың түсі). Темір қорытпалары. кен ісі. Құрамбөліктерінің біреуі (әдетте басым болатын) темір болып келетін металл жүйелер. Темір құрсаудай. Қатты, күшті, тегеурінді. Темір құрсауды үздi [ талқандады ]. Жеңу, қол жеткізу мүмкін емес нәрсені жеңді, жеңіске жетті. Темір масақ. поэтикалық. окказ. Бақсының салдыр-сұлдыр еткен әлпеншектері. Темір мосы. Темірден жасалған мосы. Темір ошақ. Темірден істеліп, жерге тірелетін үш аяғы, қазанның түбіне кигізілетін шеңбері болатын ошақтың түрі. Темір перде. тарихи. бейнелі сөзқолданыс. Қырғиқабақ соғыс жылдары демократиялық батыс пен коммунистік (тоталитарлық) шығысты бейнелеген теңеу. Темір тәртіп. Қатаң тәртіп, ереже. Темір терезе. Темір тор. Темір тор. Темірден торлап жасаған бекініс. Темір тордың асты. бейнелі сөзқолданыс. Түрме, қамау. Темір тұлпар. бейнелі сөзқолданыс. советизм. а) Трактор туралы. ә) Көлік туралы. Темір шелек. Темірден жасалған, мықты су таситын ыдыс. Темір таяғы тебендей болды [ қалды ]. Жұқарды, тозды, азайды. Темірден [ сүйектен ] түйме түйетін. Асқан шебер, ісмер.