ИІС
зат есім. 1. Адамның, жанжануарлардың иіс сезу органдары арқылы қабылдайтын тағам, қорек т.б. заттардың ауа арқылы білінетін ерекше қасиеті. 2. физиологиялық. Адамның және жануарлардың иіс органдары арқылы сезу процесі. 3. Ауа арқылы адамға жағымды сезілген заттың ерекше қасиеті. 4. Адамға ауа арқылы сезілетін заттың жағымсыз қасиеті. Иiс айыру сезімi. биологиялық. Мұрын арқылы білінетін заттың иістерін түйсіну қабілеті, сезім мүшелері арқылы сырттан алынатын бес сезімнің бірі. Иіс алды. а) Үйреншікті иісті іздеді. ә) Кішкентай бала біреуге бауыр басып кетті. Иіс алмас. а) Қақсоқпен жұмысы жоқ, не айтса соның бәрін орындайтын көнбіс, көнтерілі адам. ә) Ештеңені сезбейтін, ештеңеден хабары жоқ, надан. Иіс баданасы. анатомиялық. Торлы сүйектің иіс шұңқырында орналасқан иіс миы өсіндісі. Иіс газы. химиялық. Көміртектінің шала тотығуынан пайда болатын түссіз улы газ. Иіс жолы. анатомиялық. Қабылданған иістік тітіркеністі ми орталықтарына өткізетін жол. Иіс жүйесі. анатомиялық. Иіс талдағышын құрайтын мүшелер жүйесі. Иіс қылды. жергілікті сөз. Аруақтарға бағыштап, Құран оқыту үшін жетішелпек пісірді. Иіс сезу. физиологиялық. Қабылдағыштары жоғарғы мұрын кеуілжірінде орналасқан адамның немесе жануардың иіс сезім қабілеті. Иіс сезу мүшелері. анатомиялық. Адамның және жануарлардың иіс қабылдайтын мүшелері. Иіс сезімі. физиологиялық. Иіс тию. медициналық. Ағзаның иіс газымен улануы. Иіс түйсігі. физиологиялық. Адамның және жануарлардың иіс сезу мүшелері арқылы сезу процесі. Иiсi алаш. Бүтін ел, дүйім жұрт, тұтас халық. Иісі алып кетті. Иісі тарады, жайлады, жайылды. Иiсі [ иісі ] аңқыды. а) Жағымды иіс алып кетті, кернеді, мұрынды жарды. ә) ж ағ ымсыз. э ф в. Сасыды, жаман иіс шықты. Иiс білмес [ алмас ]. Еш нәрсенің парқын айырмайтын топас. Иiсi біліндi. Әлсіз болса да байқалды, сәл де болса көріндi. Иiсі жайылды. Исі бұрқырап, жанжаққа тарады. Иісін жұпар аңқытты. поэтикалық. Хош иісін таратты. Иісі бұрқырады. а) жағымды. Иісі аңқыды, мұрынды жарды. ә) Иісі білінді, иісі сезілді. Иiсi қазақ. Дүйім қазақ. Иісі мұрнына бармайды [ кірмейді ]. Еш нәрсе сезбейді, түсінбейді. Иісі мұрын жарды. Иісі бұрқырап аңқып кетті. Иісі мүңкіп тұр [ қолқа атты ]. Жағымсыз иісі тарап кетті, сасыды. Иісі танауды жыбырлатты. Иісі мұрынға келді, иісі шықты. Иісін сезді. а) Заттың өзін көрмесе де, исінен білді, аңғарды. ә) ауыспалы мағына. Бір сырдың ұшығын аңғарды. Иісіңнен айналайын. экспрессивті.сүйсіну. Өзіне жақын адамын айналыптолғанғанда, аңсап, сағынғанда айтылатын жақсы көру сөзі. Иісі сіңді. Бауыр басты, үйренді. Иiсін алды. а) Иiскедi, иісін сезіндi. ә) Бала бауыр басты, үйрендi. Иісін шығарды. Бірдеменің басын бастады, шетпұшпақтап сездірді, бықсытты. Иісі шықты. Бұзылды, иістенді (тағам жайында).