УЛЫ
сын есім. 1. Уы күшті, тез уландыратын. 2. ауыспалы мағына. Зәрлі, зиянды, ащы. 3. ауыспалы мағына. Ащы шындықты бетке айтатын өткір (тіл). 4. Жағымсыз, жаман, қаһарлы, мейірімсіз (көзқарас). 5. ауыспалы мағына. Ызалы, ашулы, долы. Улы бездер. биологиялық. Жануарлардың арнайы у бөлетін бездері. Улы газ. Тiрi ағзалардың қызметi мен өміріне қауіптi газ. Улы жануарлар. зоологиялық. Денесінде басқа жануарлар мен адам денсаулығына қауіпті улары (уы) болатын жануарлар. Улы жыландар. зоологиялық. Басқа жануарларға улы әсер ететін немесе қорғанатын арнайы у өндіретін бездері бар бауырымен жорғалаушылар. Улы зат есім. Ағзаға зиянды улы зат есім. Улы заттек. химиялық. Ағзаға зиянды у бөлетін химиялық заттек (мыс., пестицидтер). Улы қалдықтар. экологиялық. Құрамында адам денсаулығына өте зиянды әсер ететін, сондай-ақ қоршаған ортаға қауіп туғызатын заттектері бар қалдықтар. Улы өсімдіктер. өсімдік. Өсімдікқоректі жануарлардан қорғану үшін уыт (алкалоидтар, глюкозидтер) бөліп шығаратын өсімдіктер. Улы препарат. Химиялық улы зат есім. Улы саңырауқұлақтар. өсімдік. Жемісті денесінде улы зат (митоксин) болатын саңырауқұлақтар. Улы сөз [ тіл ]. Көңілге қатты тиер, жанға батар сөз. Улы сөз жұтты. Ащы сөз естіді. Улы тау жынысы. геологиялық. Құрамында өсімдіктер мен жануарлардың өсуі мен дамуын тежейтіндей концентрацияда улы заттектер (ауыр металдар, қышқылдық және сілтілік көрсеткіштері өте күшті (сутектік көрсеткіш рН 3,5-тен төмен және 9-дан жоғары) ерітінділер және тағы басқа.) бар тау жыныстары. Улы толқынды түтін. әскери сөз. Улы түтінді құтыны (шашқаны) желдің бағытымен жағу нәтижесінде пайда болған түтінді бұлт. Улы тұман. экологиялық. Газ тәріздес ластағыштардың (негізінен күкіртті ангидридтің), шаң түйіршіктерінің және тұман тамшыларының қосындысы. Улы шоғырлану. экологиялық. Әpтүрлі уақыт аралықтарында әсер еткенде сынақтағы жануар лардың опат болуына апарып соғатын зиянды заттектер концентрацияларының ауқымы.