ӘУЕ
[ араб тілі. ] зат есім. 1. Жер үстін қоршаған көк күмбезi; аспан. 2. cөйл. Ауа. Әуе айналды. Күн шыжыды, күн күйіп тұрды. Әуе айналып, жерге түстi. сөйлеу. Аспан айналып, жерге түстi. Әуе атысы. әскери сөз. Ұшу аппаратындағы авиациялық зеңбіректер мен пулеметтерден, ұшу аппаратымен тасымалдайтын жеке құрамның атыс қаруынан жүргізілетін атыс. Әуе барлауы. әскери сөз. Жаудың жердегi, теңіздегi, әуедегi объектілерi жөнінде мәліметтер жинайтын және қарулы күш бөлімдерi мен құрамаларының ұтымды ұрыс қимылдарын жүргізу мақсатын көздейтін барлаудың негізгi түрi. Әуе дабылы. әскери сөз. Қарсыластың әуе шабуылына тойтарыс беруге, әуе шабуылына қарсы қорғануға, соққысынан сақтауға шақыратын белгi. Әуе десанты. әскери сөз. Қарсылас тылына ұшақ және басқа ұшу аппараттарымен түсірілген арнайы дайындалған әскер құрамасы. Әуе десант әскерi. әскери сөз. Қарсылас тылына түсіруге және онда соғыс қимылдарын жүргізуге арнайы дайындалған құрлық әскерi. Әуе жауды. жергілікті сөз. Жаңбыр жауды. Әуе кассасы. Азаматтық ұшақтарға, әуекөліктеріне ұшу құқығын беретін құжаттар сататын орын. Әуе көлігi. Әуемен жолаушылар, пошта және жүк таситын көлік түрi. Әуе құқығы. заң. Әуе кеңістігін пайдалану режимін, әуеде ұшу мен тұрақты әуе жолын ашу тәртібін реттейтін халықаралық жосындар мен қағидалар жиынтығы. Әуе поштасы. Әуе жолдары арқылы, әуе көліктерімен жеткізілетін хат-хабар. Әуе райы. сөйлеу. а ) Ауа райы. ә ) Күн райы. Әуе спорты. Әуе аппараттарымен жарысу негізіндегi спорт түрi. Әуе толқыны. физикалық. Физикалық жағдайдағы тербелгіш дыбыстық қозғалыстар. Әуе шабуылы. әскери сөз. Әуеден жасалатын шабуыл түрi. Әуе шайқасы. әскери сөз. Әуедегi ұшқыштардың атыс пен маневр арқылы қарсыласты жоюға бағытталған қақтығыстары.