ЫЛҒАЛ
1омоним зат есім. 1. Заттар құрамындағы су. // Құрамында суы мол, дымқыл (топырақ, ауа). 2. ауыспалы мағына. Көздің жасы. 3. ауыспалы мағына. Су, сусын деген мағынада. Ылғал айналымы. географиялық. Жер шарындағы су айналымы. Ылғал жабу. Жерді суарып, топырақты дымқылдау. Ылғал жабушы. Айдалатын жерге су жіберіп, ылғалдаушы. Ылғалдың жылыстауы. су шаруашылық. Топырақ қабатында ылғалдың гравитациялық жылжуы, өз геруі. Ылғал жеткіліксіздігі. географиялық. Ылғалдың ең мол таралған кезіндегі шамасы мен ауадағы нақтылы су буы мөлшері арасындағы айырма көрсеткішінің төмендігі. Ылғал қоры. су шаруашылық. Топырақтың егіс егер алдындағы белсенді қабаттарындағы есепке алынған ылғал мөлшері. Ылғал мөлшері. химиялық. Құрғақ газдың килограмына қатысты су буының килограмымен өрнектелген газ ылғалдығы. Ылғал өткізбеушілік. геологиялық. Таужыныс тың өзі арқылы ылғал өткізбеушілік қасиеті. Ылғал сыйымдылығы. геологиялық. Тау жыныстарының белгілі мөлшерде су сіңіру және суды өз бойында сақтап қалу қабілеті. Ылғал тапшылығы. су шаруашылық. Қанығу тапшылығы, берілген температура мен қысым жағдайында су буының қанықтығы мен іс жүзіндегі серпімділіктері арасындағы айырмашылық.