ҚҰРЫЛҒЫ
зат есім. 1. техникалық. Қандай да бір техникалық қызметке арналған тетіктер жүйесі. 2. Белгілі бір материалдан жасалған, белгілі формасы мен өлшемдері бар бөлшектердің өзара орналасуы және құрамы. Құрылғы адаптері. информатикалық. Компьютерді оның сыртқы құрылғысымен байланыстыратын арнайы құрылғы. Құрылғы атауы. информатикалық. а) Құрылғының типтік атауы. ә) Өзі орналасқан құрылғыны көрсететін файл атауының бөлігі. Құрылғыдағы қате. информатикалық. Жабдықтың жаңылысуы немесе арналық программадағы қате. Құрылғы драйвері. и н ф. Операциялық жүйенің сыртқы құрылғылармен – пернелік тақта, тінтуір, монитор немесе принтерлермен байланысын орнататын төменгі деңгейдегі басқару бағдарламасы. Құрылғы контроллері. информатикалық. Компьютердің сыртқы құрылғыларды басқаратын әрі программаланатын құрылғысы. Құрылғыларды бөлу. информатикалық. Әртүрлі абоненттердің бір құрылғыны бірге пайдалануы. Құрылғыларды үлестіру. информатикалық. Тапсырма бөліміне, құрылғылардың қолайлылығын тексеруге, ыңғайлы құрылғыларды бөлуге және тапсырма бөліміне құрылғылар бөлу фактісін дайындауға қажетті том мен құрылғыны анықтауға арналған бағдарлама. Құрылғы нөмірі. информатикалық. Компьютердің сыртқы құрылғысына телінетін және осы құрылғыға қатынаудың абсолют адресі ретінде пайдаланылатын санесім. Құрылғыны басқару блогі. информатикалық. а) Компьютерлердің бірыңғай жүйесінің операциялық жүйесінде – операциялар құрамының, ақпарат түрлерінің, қалып-күй байттарының және басқа да мәліметтерді енгізу-шығару құрылғыларының сипаттамалары бар кесте. ә) Шағын компьютерлер жүйесінде – енгізу-шығару драйверлерін пайдаланатын және құрылғы жайында статикалық, динамикалық мәліметтері бар кесте. Құрылғының блоксхемасы. информатикалық. Құрылғының негізгі блоктарын, олардың құраушыларын нақтыламастан көрсететін схема. Құрылғының типтік атауы. информатикалық. Бір типті сыртқы құрылғылардың тобына телінетін және енгізушығаруды программалауда пайдаланылатын жалпыланған шартты атау.