ЭЛЕКТРОНДЫҚ
сын есім. Электронға қатысты, электронға тән. Электрондық авто. әскери сөз. Қозғалатын механикалық қондырғылары (айналмалы білігі, тісті қабылдағыштары, ауыстырып қосқышы) жартылай өткізгіш электрондық сызбалармен ауыстырылған автопилот. Электрондық ақша. информатикалық. Сyber-Саsh және DigiСash компанияларының қазіргі кезде жасалатын есеп теу құралы. Электрондық бланк. информатикалық. Көлденең және тік графалармен көптеген ұяшықтарға бөлінген парақ түріндегі компьютер жадының көрнекілік үлгісі. Электрондық есептеу мәшинесі. информатикалық. Есептеулерді жоғары жылдамдықпен әрі дәлдікпен орындауға арналған тез әрекет ететін электрондық қон дырғы. Электрондық кесте. информатикалық. Сандармен нөмір ленген жолдары мен латын әріптерімен белгіленген бағаналары бар кесте түрінде реттелген ақпаратты өңдеу бағдарламалары. Электрондық қарсышаралар. әскери сөз. Күрделі қорғаныс электроникасына қолданылатын қарсышаралар. Электрондық құжат. информатикалық. Бағдарламалық және аппараттық құралдардың көмегімен адамның қарап шығуына және тыңдауына арналған есептеуіш жүйенің жадындағы мәліметтер жиынтығы. Электрондық микроскоп. геологиялық. Көpіністi үлкeйтy үшін элeктpондаp шоғы пайдаланылатын аспап. Электрондық сауда. экономикалық. Тұтынушыны дербес компьютерге немесе теледидарға қосылатын арнаулы басқару тетігі арқылы сатушының деректер қорымен кабельдік немесе телефон желісін пайдалануға негізделетін тікелей маркетинг нысандарының бірі. Электрондық схема. информатикалық. а) Ақпарат өңдеудің кейбір функциясын жүзеге асыратын электрондық сыңарларды байланыстыратын схема. ә) Берілген міндетті орындау үшін белгілі бір схема бойынша өткізгіштермен жалғастырылған жартылай өткізгіштік құрылғы. Электрондық теория. физикалық. Электрлік құ былыстарды көптеген элементарлық электрзарядтары – электрондардың жиынтық нәтижесін зерттейтін теория. Электрондық төлем. информатикалық. “Электронды” деген белгі соғылған кәдуілгі төлем құжатының негізінде толтырылған төлем құжаты. Электрондық тіркеу. информатикалық. Заңды және же ке тұлғаларды тіркейтін электрондық жүйе.