ОРТАЛЫҚ
зат есім. 1. Белгілі бір аралықтың бел ортасы, орта тұсы. 2. Белгілі бір аумақтың, өлкенің орта тұсы, негізгі бөлігі немесе елді мекен. 3. әкім ш. Мемлекеттік, одақтық не республикалық дәрежедегі саяси-әкімшілік басқару орындары орналасқан басты қала. // тарихи. советизм. Кеңес одағы кезіндегі бүкіл республикалардың үстінен билік жүргізген Мәскеу. 4. Белгілі бір саладағы, қызмет түріндегі реттеп басқарып отыратын орын, мекеме, бөлім т.б. 5. ауыспалы мағына. Негіз, тірек, күш. Орталық баспасөз [ басылым ]. Орталықтан басылып шығатын газет-журнал т.б. Орталық газет. Белгілi бір әкімшілік аймақтың немесе мекеме, ұйымның басқрау органының басылымы. Орталық жүйке жүйесі. медициналық. Адам мен жануарлардың ағзалары мүшелер жүйелерінің қызметтері мен жұмыстарын үйлестіріп, реттеп, жүйке жасушалары мен оның өсінділерінен тұратын жүйке жүйесінің ең негізгі бөлігі. Орталық комитет [ Орталық партия комитеті, КПСС Орталық комитеті ]. т а р. советизм. КСРО коммунистік партиясының мемлекеттік, одақтық дәрежедегі жоғарғы органы. Орталық морена. географиялық. Тау аңғарлық мұздық бойында жоғарыдан төмен қарай тізбек жал түрінде созылып жатқан қиыршықтас, таужыныстардың ірі сынықтарының біріккен жиынтығы.