ОҢТАЙЛЫ
сын есім. Икемді, лайықты, қолайлы, ыңғайлы. Оңтайлы бағдарламалау. информатикалық. Бағдарламаның орындалу уақыты және, бірінші кезекте, сыртқы сақтау құрылғыларында орналасқан мәліметтерді іздестіру және таңдау уақытын азайтатын бағдарламалау тәсілі. Оңтайлы ету. Барынша қолайлы жасау. Оңтайлы жерден түсті. Ебін тауып жайлады, ыңғайын келтірді. Оңтайлы қуат. физикалық. Өнім бірлігіне шаққанда ең аз шығын жұмсалатын өнідірістік операциялардың өнімділік деңгейі. Оңтайлы режім. информатикалық. Берілген шарттар бойынша кейбір функцияның экстремумын жасақтайтын компьютердің немесе жүйенің жұмыс режімі. Оңтайлы ылғалдану белдемі. су шаруашылық. Егіншілік үшін қолайлы атмосфералық жауыншашынның жылдық қосындысының мөлшері булану көрсеткішіне тең немесе сәл ғана жоғары болатын аумақтар.