АҚПАРАТТЫҚ
сын есім. 1. Деректер берілген, көрсетілген, ақпараты бар. 2. Ақпаратқа тән. Ақпараттық база. информатикалық. Автоматтандырылған жүйелерде сыртқы тасуыштарда орналастырылған бағдарламалар мен компьютерде жұмыс iстейтіндердің пайдалануына арналған мәліметтер жиынтығы. Ақпараттық бопса. Ақпарат құралдары арқылы күштеу, қорқытыпүркіту. Ақпараттық жасақтама. информатикалық. < ағылшын тілі. infоrmаtіоn suppоrt> Автоматтандырылған жүйеде пайдаланылатын ақпаратты топтастыру мен кодтау жүйелерінің, құжаттаудың үйлестірілген жүйелерi мен ақпарат жиымдарының біртұтас жиынтығы. Ақпараттық желi. информатикалық. Коммуникациялық желi, мұнда ақпарат өнімдi генерациялаушы, өңдеушi, сақтаушы және қолданушы ретінде болады. Ақпараттық инфрақұрылым. қоғ. Ақпараттық индустрияның тиімді жұмыс істеуін қамтамасыз ететін, бірақ оның құрамына енбейтін шаруашылық салаларының жиынтығы. Ақпараттық қауесет. Сюжеттің анықтық дәрежесі мүлдем жалғаннан болмысқа біршама жақындыққа дейін болатын хабар түрі. Ақпараттық қоғам. қоғ. саяси. Қызмет көрсету саласына, білім мен ғылымға жетекшi орын беріліп, ақпарат саудасы әрекетінің негізгi нысаны болып табылатын қоғам дамуының жаңа кезеңi туралы концепция. Ақпараттық сала. Жаңалық, мәліметтердi таратуға қатысты әрекет аясы. Ақпараттық саясат. саяси. Қоғамда ақпараттар желісін дамытуға бағытталған мемлекеттік органдардың реттеушілік қызметі. Ақпараттық соғыс. саясиәскери сөз. Қарсыласқа қарсы әрекетте өз әскерi әрекетінің тиімділігін арттыру мақсатымен басқару жүйесін жоспарлау мен реттеудi ұйымдастыруда ақпараттық ресурстарды жан-жақты есепке алу арқылы жүзеге асырылатын саяси қатынас, соғыс түрi. Ақпараттық технология. Ақпаратты алу, жинау, өңдеу, тарату және ақпарат құралдарын жетілдіру туралы білім, әдіс, амалтәсілдердің жиынтығы.