ӨНІМ
зат есім. 1. Егілген дақылдардан алынатын түсім: астық, жеміс, жидек т.б. 2. Малшаруашылығынан түсетін пайда, табыс; ет, сүт, жүн т.б. 3. Өнеркәсіп орындары өндіретін зат есім. 4. Түсім, пайда. 5. экономикалық. Белгілі бір уақыт аралығында (дүниежүзінде, елде, шаруашылық саласында, кәсіпорында, жеке қызметкер өндірген) өндірілген өнімдердің бүкіл көлемі. Өнім айырбасы. экономикалық. Өзі қалаған қажет- ті өнімді біреуден басқа бір өнімге айырбастап алу; қоғамдық өндірістің өнім (тауар) өндіру (қызметтер көрсету) үдерісін бөліске салумен және тұтынумен байланыстыратын сатысы; өндіру – бөлісу – айырбастау – тұтыну айналымының құрамдас бөлігі. Өнім ассортименті. экономикалық. Кәсіпорынның, өндіріс саласының шығарған өнімдеріне немесе белгілі бір тауарлар тобына бұйымның жекелеген түрлерінің құрамы мен арақатынасы. Өнімнің ақауы. экономикалық. Өнімнің белгіленген талаптарға сай келмеуі. Өнімнің бәсекелесуге жарамдылығы. экономикалық. Тауардың (өнімнің, бұйымның, көрсетілетін қызметтің) тұтыну қасиеттерінің жиынтығы; басқа бір өндірушінің осындай тауарынан (бәсекелестауардан) нақты қоғамдық қажеттіліктерге сәйкес келу дәрежесі. Өнімнің комплектілігі. техникалық. Өндірісте бұйымның барлық бөлшектерін көрсетілген мерзімде техникалық нормаға сәйкес біркелкі жасап, жинап, график бойынша шығару. Өнімнің материал сыйымдылығы. кен ісі. Материал және отынқуат қорын тиімді пайдалану көрсеткіштерінің бірі. Өнімнің өзіндік құны. экономикалық. Өнімді (бұйымдарды) өндіру, жұмыстарды орындау, қызметтерді көрсету барысында пайдаланылатын табиғат ресурстарының, шикізаттың, материалдардың, отынның, энергияның, негізгі құралдардың, оны дайындау мен өткізуге жұмсалатын басқа да шығындардың ақшалай тұлғалануы (бағалануы). Өнімнің пайдалылығы. экономикалық. Өнімнің тиісті түрін өткізуден алынған пайданың оны өндіру мен өткізуге жұмсалған шығынға қатынасымен айқындалатын көрсеткіш. Өнім сапасы. экономикалық. Өнімнің сатып алушының белгілі бір қажеттерін қанағаттандыруға жарамдылығын сипаттайтын сапалық қасиеттерінің жиынтығы және тиімділігінің өлшемі. Өнім шығымы. экономикалық. Кеннен алынған өнімдер массасын бастапқы кен массасына шаққандағы оның пайыздық үлесі.