ОПЕРАЦИЯЛЫҚ
сын есім. Операцияға қатысты, операцияға тән. Операциялық автомат. информатикалық. Операциялық құрылғының атқарушы бөлігі. Операциялық бағдарлама. информатикалық. Есептеу желілерінде әрекеттесетін параллель процестердің жиынтығы сияқты ұйымдастырылған желілік процессордың бағдарламасы. Операциялық жүйе. а) информатикалық. Компьютердің барлық басты әрекеттерін (пернелер тақтасын, экранды, дискжетектерді пайдалануды), сондай-ақ қатар операциялық жүйенің басқарумен іске қосылатын басқа бағдарламалардың жұмысын басқаратын, көбінесе тұрақты сақтауыш құрылғыда тұратын, мәшинелік кодта жазылған бағдарлама. ә) экономикалық. Ұйымның өндірістік атқарымының жалпы жүйесі. Операциялық жүйе жүктеуші. информатикалық. Компьютер алғаш іске қосылғанда операциялық жүйені дискіден оперативті жадқа енгізуді жүзеге асыратын бағдарлама. Операциялық жүйе қоршамы. информатикалық. Операциялық жүйе мен пайдаланушыадамның өзара әрекетін жеңілдететін резиденттік бағдарлама. Операциялық жүйені жүктеуіш. информатикалық. Системалық дискінің bоot – секторында орналасқан операциялық жүйені жүктеу бағдарлама. Операциялық жүйе ядросы. информатикалық. Компьютердегі барлық үдерістерді басқаратын және оның жедел жадында тұрақты орналасатын операциялық жүйенің негізгі бөлігі. Операциялық зерттеу. информатикалық. Жүйені талдау тәсілі. Операциялық көрсеткіштер. экономикалық. Субъектінің негізгі өндіріспен тікелей байланысты емес ағымдағы операцияларын сипаттайтын экономикалық көрсеткіштер. Операциялық кірістер. экономикалық. Сатудан түскен жекеше түсім, несиелер мен салымдар бойынша пайыздар, жалгерлік төлемдердің түсуі, комиссиялық алымдар, айыппұлдар, өсімпұл, сотта ұтқан немесе сотқа дейінгі келісімтәртібімен шешілген даулар бойынша тұрақсыздық айыбы т.б. Операциялық құрылғы. информатикалық. а) Арифметикалық операцияларды орындайтын мультиплексордың құрамды бөлігі. ә) Ақпаратпен әртүрлі операциялар орындауға арналған кез келген цифрлық құрылғы. Операциялық лизинг. экономикалық. Мерзімі бұйымының амортизациялық кезеңінен қысқа келісім. Операциялық орта. информатикалық. Операциялық жүйе арқылы ұйымдастырылған бағдарламалық орта; операциялық жүйе мен оның қосымшалары. Операциялық семантика. информатикалық. Кейбір функцияларды есептеу тәсілінің берілуімен анықталатын тіл семантикасы. Операциялық тарих. информатикалық. Операторлық режімдер терминдерінде предикаттық айналымдар жинағымен бағдарлама өткізілгені туралы операторлардың толық тізбегі. Операциялық шығындар. экономикалық. Тауарды өткізуге жұмсалған шығындар, басқару шығыстары, пайыз, салық, айыппұл т.б. төлеуге байланысты шығындар.