КӘСІПОРЫН
зат есім. 1. Тұрмысқа, шаруашылыққа қажетті түрлі бұйымдар, заттар шығаратын, өндіретін өндіріс орны. 2. экономикалық. Қоғамдағы еңбек бөлінісі жүйесіндегі оқшауланған дербес өндірістікшаруашылық бірлік, яки заңи тұлға құқұғы берілген шаруашылық жүргізуші субъект; өндірістікшаруашылық қызметті ұйымдастырудың негізгі нысаны. Кәсіпорындар бірлестігі. экономикалық. Қызметті үйлестіру, құқықтардың қорғалуын қамтамасыз ету, тиісті мемлекеттік және басқа органдарда, сондай-ақ халықаралық ұйымдарда ортақ мүдделерді білдіру мақсатымен құрылатын кәсіпорындар кешені. Кәсіпорынды жалға беру. экономикалық. Сатып алусату; яғни меншік нысаннанжәне меншіктенуші ауыстыру нысанында жүзеге асырылатын меншікті жекешелендіру нысандарының бірі. Кәсіпорынды сатып алу. экономикалық. Бір компанияның екінші компанияны бақылауын сатып алу. Кәсіпорын мүлкі. экономикалық. Құны кәсіпорынның дербес балансында (бухгалтерлік баланста) көрсетілетін негізгі құрал-жабдық, айналымнан тыс құрал-жабдық, шығын және басқа құндылықтар. Кәсіпорынның еңбек ұжымы. экономикалық. Еңбек шарты (келісімі), сондай-ақ қызметкердің кәсіпорынмен еңбек қатынасын реттейтін басқа да нысандар негізінде кәсіпорын қызметіне өз еңбегімен қатысатын барлық азаматтар. Кәсіпорынның есептемесі. экономикалық. Кәсіпорын (фирма, цех, телім) қызметінің өткен кезеңдегі жағдайы мен нәтижелерін сипаттайтын мәліметтердің жиынтығы; өзара байланысты көрсеткіштердің жүйесі. Кәсіпорынның жауапкершілігі. экономикалық. Кәсіпорын өзінің жарғысында белгіленген мақсаттар мен міндеттердің шегінен шығатын немесе заңды бұзатын әрекеттер жасаған жағдайда қолданылатын жауапкершілік. Кәсіпорынның отынэнергетика ресурста рының балансы. экономикалық. Отынэнергетика ресурстарының кірісі мен шығысы арасындағы арасалмақты және олардың пайдаланылу бағытын бейнелейтін көрсеткіштер жүйесі. Кәсіпорынның пайдасы. экономикалық. Өнімді өткізуден (жұмыстарды орындаудан, қызметтерді көрсетуден) түскен түсім мен жалпы шығын арасындағы айырма. Кәсіпорынның сыртқы экономикалық қызметі. экономикалық. Әдетте, кәсіпорынның валюталық өзін-өзі өтеу және өзін-өзі қаржы лан дыру негізінде жүзеге асырылатын қызметі; кәсіпорынның сыртқы сауда қызметіне қатысуы. Кәсіпорынның шаруашылық және коммерциялық қызметінің көрсеткіштері. экономикалық. Нарықтық ақпараттың құрамдас бөлігі. Кәсіпорынның шаруашылық құралжабдығы. экономикалық. Кәсіпорынның өндіріс аясындағы құралжабдығының, айналыс аясындағы қаражатының және әлеуметтік аяға қызмет көрсету құралдарының жиынтығы.