ЭКРАН
[ француз тілі. есrаn ] зат есім. 1. Әртүрлі энергия көздері шығаратын сәуленің зиянды әсерінен қорғану үшін оларды кері қайтаратын, жұтатын және өзгертетін, құбылтатын беті бар құрылғы. 2. Рентген, диапозитивтер, кинофотокескіндерін сәулелендіріп көрсетуге арналған мата немесе арнайы затпен көмкерілген пластмасса, шыныдан жасалған бет. 3. ауыспалы мағына. кино өнері. 4. кинофильмдердің көрсетілімі. Экранды басқару. информатикалық. Ақпаратты компьютерде жұмыс істеушіге қолайлы түрде экранда бейнелеу тәсілі. Экранды тазалау. информатикалық. а) Дисплей экранындағы барлық ақпаратты жою операциясы. ә) Дисплей экранынан барлық кескіндерді жою операциясы. Экран жұлдызы. Теледидардан жиі көрсету нәтижесінде танымал болған тұлғалар. Экран қарпі. информатикалық. Дис плей бетіне бейне шығару үшін қолданылатын қаріп. Экран панелі. информатикалық. Жақтаумен қоршалған және ақпараттық мәліметтерді орналастыруға, пішімдерді даярлауға және басқа да мақсаттарға арналған дисплей эк ранындағы аймақ.