МАГНИТТІК
сын есім. Магниттелген, магнит жүргізілген. Магниттік алғырлық. физикалық. Заттың магниттелушілігі мен магнит өрісі арасындағы байланысты сипаттайтын физикалық шама. Магниттік аномалия. Жер бетіндегі магнит өрісі мәндерінің өзінің қалыпты мәндерінен ауытқуы. Магниттік дауыл. физикалық. Жердің магнит өрісінің Күннің активті аймағынан бөлінген плазма ағыны салдарынан күшті ұйтқуы. Магниттік күшейткіш. техникалық. Қуаты біршама үлкен айнымалы токты қуаты шағын тұрақты токпен (немесе басқа жиіліктегі айнымалы токпен) басқаруға арналған электромагниттік құрылғы. Магниттік меридиан. географиялық. Геомагнит өрісінің күш сызығының жер бетіндегі проекциясы. Магниттік момент. физикалық. Заттың магниттік қасиеттерін сипаттайтын негізгі шама. Магниттік оптика. Оптиканың магнит өрісі әсерінен заттың оптикалық қасиеттерінің өзгерістерін зерттейтін саласы; магнетооптика. Магниттік өріс. физикалық. Магнит өрісі. Магниттік полюс. физикалық. Жер бетіндегі магниттік еңкеюі 90оқа тең, бұрылу сызықтары (изогоналар), яғни магниттік меридиандары түйісетін нүктелер. Магниттік полюстер. географиялық. Жер бетінде магнит тілі тік орналасатын, яғни бағдарлау үшін магниттік компас жарамсыз болып шығатын нүктелер. Магниттік таспа. техникалық. Магниттік қасиеті бар ұнтақ жалатылған жұқа әрі иілгіш таспа түріндегі дыбыс тасығыш; магниттік жазу кезінде (мыс. магнитофонда, бейнежазғышта) пайдаланылатын ақпарат таратқыш құрылғы. Магниттік тізбек. физикалық. Магниттік ағын өтетіндей болып жалғанған магнетиктер тізбегі; құрамы ферромагниттік заттардан тұратын құрылғылар жиынтығы. Магниттік ұстағыш. физикалық. Кеңістіктің белгілі бір көлемінде зарядты бөлшектерді ұзақ уақыт ұстап тұратын магнит өрісінің конфигурация сы. Магниттік химия. химиялық. Физикалық химияның заттың электрондық, молекулалық және кристалдық құрылысы мен магниттік қасиеттері арасындағы өзара байланысты зерттейтін саласы; магнетохимия. Магниттік экватор. географиялық. Жер шарында магниттік еңкеюі нөлге тең нүктелерді өзара қосатын сызық.