ҚОЛДАН
1омоним Үст 1. Жасанды түрде, табиғи жолмен емес, өз қолымен, өзінің қатысуымен. 2. ауыспалы мағына. Өз шаңырағынан. Қолдан жасағандай. Әдейі, қасақана істегендей. Қолдан жасады. а) Ештеңенің көмегінсіз тіке, өзі қолымен дайындады. ә) Жасанды, табиғи емес. б) Ойдан құрастырды. в) Оңай істеді, көп қиындық келтірмеді. г) Біреуді өз ықтиярынсыз, күштеп, зорлықпен қажетті жайға келтірді. Қолдан көтерді. Қызмет бабында өз қолынан өсірді, өзі баулып жоғарылатты. Қолдан қиғандай. бейнелі сөзқолданыс. Сүйкімдi, қызығарлықтай. Қолдан қоректендіру. Жасанды жолмен, тәсілмен қоректендіру. Қолдан отырғызды [ екті ]. Жеміс ағаштары, көшет т. с. с. ларды бірбірлеп өзі жерге қадады. Қолдан өсірді. Ағаш, бұта, гүл т. с. с. өскінін арнайы әкеліп, өз қолымен егіп, суарып, қарады. Қолдан сұрыптау. биологиялық. Ерекше бағалы жануарлар мен өсімдіктердің түрлерін, тұқымдарын, сорттарын белгілі бір өнеркәсіптік, шаруашылық мақсатта жасанды жолмен сұрыптау. Қолдан сүт берді. Енесі өліп қалған не емізбеген жас төлдерге емізікпен бөтелкеге сүт дайындап қоректендірді. Қолдан төккен. Өзінде жоқ, басқа жерден арнайы әкеліп төгілген деген мағынада. Қолдан туғызды. Әдейі, алдын ала ұйымдастырылды. Қолдан тыныс алдыру. спорт. Жапа шеккендердің бұзылған тыныс алу жүйесін қалпына келтіру, өкпені қолдан желдету сияқты әдістер жиынтығы. Қолдан тігілген. сөйлеу. Киім тігу фабрикасы не цехында емес, сол адамның өзіне ғана арнайы өлшеніп, тігін мәшинесімен тігілген (киім). Қолдан істеді. Мәшине, автоматтың қатысынсыз жеке өз қолымен, қарапайым тәсілмен жасады. Қолдан істелген [ жасалған ]. сөйлеу. а) Адамның жеке өзінің қол еңбегімен, қол өнерімен дайындалған; мәшиненің, автоматты құрылғылардың қатысынсыз. ә) Әдейі, қасақана ұйымдастырылған; жасанды қылық көрсеткен; алдын ала дайындалған. в) Адам ойлап тапқан, табиғат, болмыста жоқ.