ЖИНАҚ
зат есім. Бір немесе бірнеше автордың әртүрлі шығармаларының жиынтығы; топтама. // сөйлеу. Жинақы, ықшам. Жинақ ақша кітапшасы. экономикалық. Азаматпен банк салымы шартының жасағанын және банк салымы шоты бойынша жасалған барлық операцияларды куәландыратын құжат. Жинақ ақша сертификаты. экономикалық. Несие мекемесінің ақшалай қаражатты депозиттеу туралы жазбаша куәлігі. Жинақ банкі. экономикалық. Аймақтық ауқымда әрекет ететін қаржы-несие мекемесі. Жинақ кассасы. Басы артық ақшаны сақтайтын несие мекемесі. Жинақ сертификаты. экономикалық. Ақша салушының депозитін белгіленген мерзімі өткеннен кейін оған берілген пайызды алу құқын дәлелдейтін несие мекемесінің ақша қаражаттарын депозитке салғаны туралы жазбаша куәлік.