ГАЗСЫЗДАНДЫРУ
Газсыздандыр eтістігінің қимыл атауы. 1. экологиялық. Улы газдардың зиянды әрекетін жою, улы газбен уланған нысандарды (жердi, өсімдіктi, тамақты, қаружарақты, киімдi т.б.) тазарту шаралары. 2. металлургиялық. Вакуумдық өңдеу әдісi арқылы сұйық металдағы еріген газдарды ажыратып алу. 3. геологиялық. Тау жыныстарындағы газды табиғи немесе жасанды жолдармен шығару. Газсыздандыру аймағы. кен ісі. Бетi ашылған кен қабатымен шектесетін көмір немесе таужыныс массивінің телімi. Газсыздандыру заттары. әскери сөз. Улағыш заттармен өзара белсендi араласып, оларды усыз құрамаларға айналдыратын химиялық құралдар. Газсыздандыру мәшинесi. әскери сөз. Әскери техниканы, киімкешектi, қорғаныш құралдары мен жергіліктi жердің өңірлерін газсыздандыруды, залалсыздандыруды механикаландыру құралы. Газсыздандыру орны. әскери сөз. Уланған және газсызданған заттар қойылатын қоймалар, оларды жуып тазалайтын орындар, газсыздандыратын мәшинелер орналасқан алаң.