БАРЛАУ
Барла етістігінің қимыл атауы. 1. Төңіректi, айналаны бағдарлау, бақылау. 2. Бақылау, iздену, зерттеу. 3. Пайымдау, ойлау. 4. Сынау, байқап көру. 5. әскери сөз. Жау күштерi мен олардың орналасуы туралы мәліметтер жинайтын жауынгерлік қимылдардың бір түрi. 6. геологиялық. Кен байлығын бағдарлап зерттеу. 7. экономикалық. Мердігердің босалқы қорларға құқықты сатып алғанға дейін де, оны сатып алғаннан кейін де орындаған жұмыстары мен жұмсаған шығындары. Барлау авиациясы. әскери сөз. Қарсыластың күш терi мен оның тактикалық, оперативтік және стратегиялық бағыттағы түрлi объектілерi жайында мәлімет алу үшін арнаулы құралмен жабдықталған барлаулы ұшақ, тікұшақ, ұшатын аппараттар. Барлау алқабы. әскери сөз. Бiрлестіктердің күштерімен, құралдарымен барлау жүргізілетін оң және сол жақтары шектеушi сызықтармен шектелген қарсыластың орналасқан орындарындағы жергіліктi жер жолағы. Барлау жасағы. әскери сөз. Қарсылас туралы, шабуылда қолайлы жер туралы т.б. мәліметтер алу үшін жалпы әскери құрамадан аса маңызды бағытқа жіберілетін тактикалық барлау органы. Барлау және нысана көрсету стансысы. өск. Әуе нысаналарын табу және зениттік ракеталар әскерi мен зениттік артиллерия батареяларға нысананы көрсетуге арналған радиолокациялық стансы. Барлау мәліметтерi. әскери сөз. Ұрыс алдында, сондай-ақ ұрыс барысында шешім қабылдау үшін командирге қажет болатын қарсылас, жергіліктi жер, метеорологиялық жағдай және тағы басқа. туралы мәліметтер. Барлау схемасы. еск. Барлау, бақылау жоспары. Барлау ұңғымасы. кен ісі. Пайдалы қазбаларды іздеу, оның қоры мен сапасын және орналасу жағдайын анықтау үшін қазылатын ұңғыма. Барлау шалғыны. әскери сөз. Барлау жасағында әрекет етушi батальоннан жіберілетін тактикалық барлау органы.