ОПТИКАЛЫҚ
сын есім. Оптикаға қатысты, соған тән. Оптикалық атаксия. физикалық. Визуалды бақылау кезінде нысанаға жете алмуымен сипатталатын атаксия. Оптикалық афазия. психологиялық. Визуалды көрінетін объектілерді атай алмауымен сипатталатын неврологиялық күй. Оптикалық бейне. физикалық. Нысанды айнамен, линзамен немесе басқа оптикалық құрылғымен шағылыстыру арқылы пайда болатын кескін. Оптикалық бүркемелер. әскери сөз. Бүркеніштi объектілер мен қарсылас арасындағы әртүрлi кедергілер. Оптикалық диск. информатикалық. Лазерлік технология арқылы мәлімет жазу мен оқуға арналған ақпарат жинақтауыш дискілерге қойылған жалпы атау. Оптикалық дискідегі жинақтауыш. информатикалық. Ақпаратты сақтау құрылғысы оптикалық диск болып келетін мәліметтер жинақтауыш. Оптикалық дисперсия. физикалық. Жарық толқындарының ұзындықтарына байланысты оптикалық тұрақтыларының өзгеруі. Оптикалық енгізу. физикалық. Оптикалық құралдарды: фото- оқығыштарды, оптоэлектроника құралдарын, лазерлік техниканы қолдану арқылы мәліметтерді енгізу. Оптикалық ен-таңба. физикалық. Оптикалық электрлік тәсілмен қабылданатын мәліметтер тасушыдағы белгі. Оптикалық жеткізу. физикалық. Лазерлер мен оптикалық талшықтарды пайдаланатын жеткізу жүйесі. Оптикалық жүйе. физикалық. Оптикалық кескіндер құрайтын, әйнекті аспаптардың жиынтығы. Оптикалық индикатриса. физикалық. Кристалдардан өтетін жарық толқындарының тербеліс бағыттары мен сыну көрсеткіштерін сипаттайтын векторлар бойынша жасалған бейне. Оптикалық кварц. информатикалық. Тау хрусталінің ультракүлгін сәуледегі өте мөлдір, ақаусыз кристалы не оның бөлігі. Оптикалық кескін. физикалық. Нысаннан тарайтын және оның контуры мен жеке бөлшектерін кескіндейтін сәулелердің оптикалық жүйе арқылы өтуі нәтижесінде алынатын кескін. Оптикалық компенсатор. техникалық. Өзара түйіскен екі сәуленің (немесе толқынның) арасындағы фазалардың айырмасын дәл өлшеуге арналған оптикалық құрылғы. Оптикалық күш. физикалық. Оське қарағанда симметриялы болатын линзалар мен линзалар жүйесінің жарық сәулесін сындыру қасиетін сипаттайтын шама. Оптикалық қаріп. информатикалық. Оптикалық құрылғылардың мәселелерін тез шешу үшін арнайы жасалған қаріп. Оптикалық минералдар. физикалық. Оптика өндірісінде қолданылатын минералдар – сутас, марион, исланд шпаты, флюорит, гипс және тағы басқа. Оптикалық ось. физикалық. Жарықтың қосарлануы жүзеге аспайтын бағыт. Оптикалық резонатор. физикалық. Оптикалық диапазондағы электрмагниттік толқындар қоза алатын айналар жүйесі. Оптикалық сәуле. физикалық. Толқын ұзындығы нмдің үлесінен ммдің ондық үлесіне дейінгі диапазонды (жиілік диапазоны ~3•1011 – ~3•1017Гц) қамтитын электрмагниттік толқындар. Оптикалық спектр. физикалық. Толқын ұзындығы диапазоны 103 – 10-3 мкм аралығындағы электрмагниттік сәуле шығару спектрлері. Оптикалық талшық. физикалық. Жарықтық сигналдарды жеткізуге пайдаланылатын мөлдір материалдан жасалған жіп. Оптикалық тұрақтылар. физикалық. Әр заттың оптикалық қасиеттерін сипаттайтын тұрақты шамалар. Оптикалық тіркемжабдықтар. физикалық. Ажыратқыш микроскоп окулярының орнына қойыла отырып, әртүрлі арнаулы зерттеулерді жүзеге асыру мақсатында қолданылатын қосымша жабдықтар жиынтығы. Оптикалық шыны. химиялық. Жоғары мөлдірлігімен және оптикалық біртектілігімен ерекшеленетін шыны.