ҚЫЛМЫСТЫҚ
сын есім. құқықтық. Қылмыспен байланысты, қылмысқа қатысты. Қылмыстық әрекетсіздік. құқықтық. Қылмыстық заң міндеттеген әрекетті орындамаушылық. Қылмыстық жауапкершілік. құқықтық. Құқықтық жауапкершіліктің бір түрі; қылмыстық құқықтық салдары – қылмыскерді жазалау түрінде көрініс табатын мемлекеттік мәжбүрлеу шарасы. Қылмыстық заң. құқықтық. Қылмысқа жататын қарекеттер мен оларды жасаған адамға берілетін жаза және басқа да мәжбүрлеу шаралары көрсетілген қылмыстық заңнама құжаты. Қылмыстық заңнама. құқықтық. Қылмыстық құқық нормаларын реттейтін құқықтықнормативтік актілер жиынтығы. Қылмыстық құқықтық.заң. Қылмыстылықты және қоғамдық қатынастар жүйесіне қауіпті іс-әрекет үшін қолданылатын жазаны айқындайтын заң нормаларының жиынтығынан тұратын құқық саласы. Қылмыстық психология. психол. Заң психологиясының бір саласы. Қылмыстық іс. құқықтық. Қылмыс белгілері анықталған жағдайда заңда белгіленген тәртіппен қозғалатын іс. Қылмыстық іс жүргізу. құқықтық. Анықтау, алдын ала тергеу, прокуратура, сот органдарының өзге де мемлекеттік, қоғамдық, лауазымды адамдар мен азаматтардың қатысуы арқылы заңмен реттелген және құқықтық қатынастар түрінде белгіленген қызметі. Қылмыстық іс жүргізу заңнамасы. құқықтық. Қылмыстық сот ісін жүргізу тәртібін реттейтін құқықтықнормативтік акт. Қылмыстық істерді біріктіру. құқықтық. Бір қылмысқа не бір айыпталушыға қатысты дербес қылмыстық істерді бір іске айналдыру.