WONDER WORDS · Казахский язык

ту

Значение слова

ТУ

1омоним зат есім. Жеке бір мемлекетке, топқа арналып белгілі бір түсті маталардан жасалған, рәміздік бейнелері бар ұзын сапты жалау; байрақ. 2. әскери сөз. Әскери бөлімнің рәмізі. 3. этнографиялық. Бура келеге түскен кезде адамға қауіп төндіріп шайнау, тарпудан сақтандыру үшін бура өркешінің ұшына байлайтын түстi мата белгi. Ту алды. Атқа қонды, жауға қарсы шықты. Ту алып [ ұстап ], тұлпар мінді [ жаратты ]. Елді жорыққа көтерді, қол бастады. Ту астында. Адамдардың ортақ мақсатпен топтасқан, ұйымдасқан, басы біріккен орны. Ту жығып, тұғырын сындырды. Жеңді, тас-талқан етті. Ту кестелеуші. Туды пішіп, кесте, өрнек салушы. Ту көтерді [ байлады ]. Халықтың басын қосып, елдікке шақырды. Ту тікті. а) Жаулап жеңіп алды, үстемдік орнатты; жеңіске жетті. ә) Өрістетті, гүлдендірді. Ту ұстап, тұлпар жаратты. Ерлік жорыққа елді көтерді, қол бастады. Ту ұстаушы. Жарыстарда мемлекеттің туын ұстап шығатын спортшы. Туы биіктеді. Мерейі үстем болды. Туы жығылмады. Жеңілмеді, алған бетінен қайтпады. Туы жығылып, қанаты қайырылды. Биліктен айрылды, жеңілді.

ТУ

2омоним сын есім. 1. Бір не бірнеше жыл тумай қалған, қысыр; қоңды (мал). // Бала таппаған, бедеу (әйел). 2. ауыспалы мағына. Әлі игерілмеген, пайдаланылмаған; тың (жер). Ту аңыз. жергілікті сөз. Үш-төрт жыл тыңайтылған аңыз. Ту байтал. Бiр немесе бірнеше жыл құлындамаған байтал. Ту бие. Құлын тастап кеткен не құлыны өліп қалған немесе мүлдем құлындамаған бие. Ту биедей. Құлын тастап кеткен не құлыны өліп қалған немесе мүлдем құлындамаған әрi мініс көрмеген бие сияқты. Ту дала. Кетпен тимеген, тың жатқан жер. Ту қой. Қысыр қалған, қоздамаған семіз қой. Ту шөп. Мал тісі тимеген бітік шөп.

ТУ

3омоним есімдік. Тіптен алыс, анау, тонау, сонау. Ту баста. Әуелден, бұрыннан, қашаннан. Ту сырты. Адамның, үйдің т.б. сырт жағы, арқа тұсы, арты. Ту сыртынан өткендей. Тесіп өткендей деген мағынада айтылып тұр.