БЮДЖЕТ
[ француз тілі. budget ] зат есім. экономикалық. 1. Орталықтандырылған ақша қорының құралу көздерi мен жұмсалу бағыттарын сипаттайтын экономикалық категория, ақшалай кіріс-шығыс балансы. 2. информатикалық. Белгілi бір уақыт аралығында компьютерде жұмыс iстеушi (жұмыс iстеушілер тобы) пайдалана алатын компьютер ресурстарының көлемi. Бюджет жүйесi. экономикалық. Мемлекеттік, әкімшілік аумақтың бірліктер бюджеттерінің, бюджеттік жағынан дербес мекемелер бюджеттерi (сметасы) мен шоттарының және қорлардың экономикалық қатынастар мен заң нормаларына негізделген жиынтығы. Бюджет жылы. экономикалық. Бекітілген бюджет күшін сақтайтын 12 ай уақыт. Бюджет индексi. э к он. Материалдық тұрмыс халi дәрежесінің динамикасын зерттеуге арналған көрсеткіш, «тұрмыс хал құнының индекісi». Бюджет мекемелерінің сметасы. экономикалық. Мекеменi ұстауға және ұлғайтуға арналған қаржылардың жылдық қажетін анықтайтын смета. Бюджет статистикасы. экономикалық. Отбасы табысының көзi мен деңгейін, оның тұрғын үймен, мәдени, тұрмыс заттарымен қамтамасыз етілуін, отбасы құрамын, оның мүшелерінің білімін, кәсібін т.б. сипаттайтын халықтың тұрмыс дәрежесi статистикасының құрамды бөлігi. Бюджет тізімi. экономикалық. Тұтынудың (жанұяға немесе халықтың жан басына шаққанда) көлемi мен құрылымын сипаттайтын тауар көрсеткішi; қоғамда жасалған материалдық, рухани игіліктердің бөлінуін бейнелейтін қызмет тізімi.