МАҚСАТТЫ
сын есім. Белгіленген, нысанаға алған, мақсат еткен. Мақсатты басқару. экономикалық. Тәуелсіз төрт кезеңнен тұратын процесс, олар: мақсаттардың айқын да қысқа тұжырымдамасын жасау; оларға қол жеткізудің нақты жоспарларын жасау; жұмыстың сапасы мен нәтижелерін ұдайы бақылауға алу; жоспарланған нәтижелерге қол жеткізу үшін түзету шараларын қолданып отыру. Мақсатты жазба. информатикалық. а) Іздестіру сұранысының шарттарын қанағаттандыратын жазба. ә) Ізделетін жазба. Мақсатты комитет. экономикалық. Белгілі бір мақсатқа жету үшін құрылған уақытша топ. Мақсатты қарыз. экономикалық. Қаражат қатаң түрде күні бұрын межеленген арнаулы мақсатқа пайдалану шартымен мемлекет тарапынан берілетін қарыз. Мақсатты маркетинг. экономикалық. Кәсіпорынның маркетингілік қызметінің түрі. Мақсатты өнім. экономикалық. Берілген технологиялық үдерістің жүруінен шығатын басты өнім. Мақсатты рынок. экономикалық. Сатушы маркетингілік күшжігерді жұмылдырмақ ниетте болған сатып алушылар тобы. Мақсатты тізім. информатикалық. Қатынастық санауда – жаңа қатынасты бейнелейтін атрибуттар тізімін анықтайтын, альфаөрнек түрінде ұсынылған сұраныс құрылғысының бірінші бөлігі.