ҚҰПИЯ
[ араб тілі. ] зат есім. 1. Еш жанға айтылмаған, жария болмаған жасырын сыр. // Жасырын, байқатпай, білдірмей. // Жасырын, көпке жария қылмайтын, астыртын. Құпия ақпарат. информатикалық. Құқықтық режімін меншік иесі коммерциялық, кәсіптік (өнеркәсіптік) құпия, мемлекеттік қызмет жайындағы және басқа заңнамалық кесімдер негізінде тағайындайтын қызметтік, кәсіптік, өнеркәсіптік, коммерциялық және тағы басқа. ақпарат қорғауды талап ететін ақпарат. Құпия ақпаратты қорғау жүйесі. информатикалық. Автоматтандырылған жүйелердегі ақпараттың қауіпсіздігін қамтамасыздандыруға арналған ұйымдастырушылық шаралар мен бағдарламатехникалық құралдар кешені. Құпия дауыс. беру. Жасырын, жария емес сайлау. Құпия жауап. әскери сөз. Күзетте, барлауда, қарауылда тұрғанда өз адамдарын танып білу үшін жақындап келгенде айтылатын жауап. Құпия карта. әскери сөз. Әскерлерге құпия басшылық жасау үшін қолданылатын карта. Құпия кетті. Ешкім білмеді, сыры ашылмады. Құпия сауда-саттық. экономикалық. Саудасаттықты жүргізу кезінде тендер комитеттері саудасаттыққа қатысушылардың көз алдында ұсыныстарды ашпайтын және қандай фирманың немесе консорциумның тапсырыс алғаны туралы мәліметтерді жарияламайтын халықаралық сауда-саттық. Құпиясын ашу. Сырын табу, мәлім ету. Құпия тілдер. лингвистикалық. Әлеуметтік топтар, саудагерлердің, кәсіпкерлердің, қайыршылардың арасында тараған жаргондардың шартты атауы.