ҚАРАЛЫ
1омоним сын есім. 1. Кісісі өлген, азалы, қайғылы, шерлі, мұңды (адам). 2. этнографиялық. Кісісі өлген адамның аза тұтуын білдіретін қара түсті (лента, мата, шүберек). 3. Азалы, мұңды, қайғылы (жай, сарын т.б.). 4. ауыспалы мағына. Азапты, қайғықасіреті көп, ауыр, мехнатты, тауқыметті. Қаралы ару. этнографиялық. Әкесі қайтыс болып, артын күтіп, аза тұтып отырған қыз. Қаралы ат. этнографиялық. Аза тұту салты бойынша жалқұйрығын күзеп, үстіне қара жабу жауып, марқұмның асында сойылатын мініс аты. Қаралы әйел. этнографиялық. Күйеуi немесе жақын туысқаны қайтыс болғанда аза тұтып жүрген әйел. Қаралы ел. этнографиялық. Қадірлі адамы, жұртына беделді кісісі өлген ру, тайпа, жұрт. Қаралы ер-тұрман. этнографиялық. Аза тұту салты бойынша жалқұйрығы кесіліп тұлданған қаралы атқа ерттелетін марқұмның ертұрманы. Қаралы жалау. этнографиялық. Қара немесе жиегі қарамен көмкерілген азалы жалау. Қаралы желек. этнографиялық. Ер азаматы, жақын адамы өлген әйелдің марқұмды аза тұтқанда киетін қара түсті орамалы, азалы киім. Қаралы жиын [ митинг ]. Өлген адамды еске алуға арналған жиын. Қаралы көбелек. зоологиялық. Жәндіктер класының көбелектер отрядының нимфалидалар тұқымдасының түрі. Қаралы күн. а) Марқұмды немесе қандай да бір қоғамдық залал, апаттың құрбандарын еске алу үшін көңіл көтеру шаралары тоқтатылатын арнайы аза тұту күні. ә) бейнелі сөзқолданыс. Қазалы, қасіретті ауыр кез. б) этнографиялық. Марқұмды жоқтау мезеті. Қаралы қағаз [ хат, хабар ]. тарихи. советизм. Қарақағаз (1941-1945 жылдардағы Ұлы Отан соғысында майдандағы жауынгердің қаза тапқаны туралы жазылған қағаз). Қаралы қасірет. Адам қазасының ауыртпалығы, кісі өлімінен болған қайғылы күй. Қаралы қатын. этнографиялық. Күйеуі өліп, қаралы болуымен байланысты бір жылға дейін қара жамылған, көшкенде күйеуінің киімін, ертоқымын атына теріс жабатын, аза тұтқан тұл әйел. Қаралы қыз. Әкесі қайтыс болып, аза тұтып отырған қыз. Қаралы салт. этнографиялық. Марқұмды аза тұтуға қатысты қалыптасқан дәстүрлі жөн-жоралғы, рәсімдер. Қаралы тең. этнографиялық. Өлген кісінің тұл мүлкін салған, тұл жыртыс салған тең. Қаралы ту. этнографиялық. Кісісі өлген қаралы үйдің оң жақ белдеуіне найзаға марқұмның тегі мен жасына қарай ақ, көк, қара, қызыл, ала түсті болып байланатын ту [ Марқұм төреден шыққан болса, ақ, көк, ала, т.б. Өзді-өзі тұқымының туын тігеді, ал қарадан шықса, жасына қарай жас кісіге – қызыл, кәрісіне – ақ, орта жастағы кісіге – бір жағы ақ, бір жағы қызыл ту тіккен ]. Қаралы үй. этнографиялық. Марқұмды аза тұтып отырған үйелмен, кісісі өлген шаңырақ. Қаралы шапан киді. этнографиялық. Қаза болған адамын аза тұтты.