ЖЫРТЫС
зат есім. 1. Матаның жыртылу қалпы, жыртылған бөлшегі. 2. этнографиялық. Қуанышқа арналған салтанатты жиын, тойда әдетте әйелдер арасында үлестірілетін, көбіне, мата түріндегі кәде. 3. этнографиялық. Қазақ халқының дәстүрлі өлік жөнелту ғұрпында жерлеуге қатысқан еркектерге зират басында үлестірілетін, көлемі беторамалдай мата бөлігі; қарт адамдар қайтыс болғанда матадай берілетін салт, кәде. 4. этнографиялық. Есік көре барған күйеудің әйелдерге үлестіру үшін апаратын матадай сыйлығы. Жыртыс жыртты. этнографиялық. Жыртысқа арналған матаны елге үлестірді. Жыртысын жыртты. Сөзін сөйледі, жоғын жоқтады.