ШАҢЫРАҚ
1омоним зат есім. 1. этнографиялық. Киіз үйдің төбесінде уықтарын біріктіріп ұстап тұратын күлдіреуіштері бар дөңгелек шеңбер. 2. ауыспалы мағына. Өзінің туған тұрғын үйі. 3. ауыспалы мағына. Орда, мекен. 4. ауыспалы мағына. Әулет, үрім-бұтақ. 5. ауыспалы мағына. Отбасы, жанұя. Шаңырағы биік, iргесi берік болсын! тіле к. Үлгілi, мәртебелi болсын. Шаңырағы кертілді. Отбасының шырқы бұзылды, берекесі кетті. Шаңырағы құлады. Түтіні өшті, үй болудан қалды. Шаңырағына ат ойнатты [ қобыз ойнатты, қобыз тартты ], шаңырағын қиратып, түндігін тілді [ ортасын түсірді ]. Астанкестеңін шығарып ойрандады, әлек салды; төбесіне әңгіртаяқ ойнатты. Шаңырағынан жылу тапты. Шаңырағын паналады, сағалады. Шаңырағын жықпады. Отын өшірмеді, орнын сақтады. Шаңырағын күйретті [ күл қылып талқандады ]. Үйін қиратты, отбасының берекесін кетірді. Шаңырағын қиратты. Астанкестеңін шығара ойрандады, әлек салды; қым-қуыт, у да шу етті. Шаңырағын қиратты, түндігін тілді. Астанкестеңін шығарды, ойрандады, әлек салды. Шаңырағын құлатты [ жықты ]. Үйін қиратты, отбасының берекесін кетірді. Шаңырағын ортасына түсірді. Үйін қиратты, жоқ қылды. Шаңырағын отын қылды. Үйін қиратты, жоқ етті, отбасының берекесін кетірді. Шаңырағын тіреп қалды [ ұстап қалды, сақтады ]. Отбасының берекесін келтірді, үй ішін аман алып қалды. Шаңырағыңа шаң түспесін. тіле к. Көңіліңе кірбің түспесін деген мағынада. Шаңырағың биік болсын. тіле к. Үй көтергенде, үй тіккенде, үй боп бөлініп шыққанда айтылатын тілексөз. Шаңырағы ортаға түсті. отбасы бұзылды. Шаңырағы ортасына түсті. Отауы бұзылды, отбасының берекесі кетті, үйорманы ыдырады; жойылды, қирады. Шаңырағы шайқалды. Отбасының берекесі кетті, отауы күйзелді. Шаңырақ асты. Бiр отбасы, үй iшi. Шаңырақ көтерді. а) Әйел алып, өз алдына үй болды, үйлі-баранды болды. ә) Үй тікті. б) Ел болып, етекжеңін түзеді. в) Ұйымдастырылды, ашылды. Шаңыраққа би болды. жағымсыз. Әрқайсысы отбасына мәтіби болды, бірінбірі тыңдамады. Шаңыраққа қара. Өз үйің емес, бөтен үй; тыныш отыр, жай отыр, абайла деген мағынада. Шаңыраққа уық болып шаншылды [ тіреу болды ]. Отбасына береке кіргізді, жоғын түгендеді. Шаңырақ мүйіз. Екі ұшы иілеиіле келіп, бір-біріне түйісе біткен мүйіз. Шаңырақ салма. этнографиялық. Киіз үйдің кішісі. Шаңырақ салығы. көнерген сөз. Әр үйге, түтінге түсетін салым. Шаңырақ түйе. этнографиялық. Арнайы шаңырақ артатын түйе.