ХАТ
[ араб тілі. ] зат есім. 1. Біреуге немесе бір мекемеге хабар жіберу үшін жазылып қойылған не жөнелтілген мәтін. 2. Сөз ретінде қағаз бетіне түсірілген графикалық таңбалардың жүйесі, жазу. Хат білді [ таныды ]. Сауатын ашты, оқып, жазып үйренді, оқып білім алды. Хат жазысу. Хат арқылы қатынасу, хабарласу. Хат жолдады. Хат жазды. Хатқа жүйрік. Жазуға шебер, тез жазғыш, тез оқығыш. Хатқа түсті. Жазылып алынды. Хатқа түсірді. Қағазға түсіріп жазды, кітап етіп шығарды. Хат өлең. әдеб. Арнау өлеңінің бір түрі [ қазақ өмірінде өлеңмен хат жазысу ертеден орын алған. Кейін бұл үлгі поэзияға келді. Абайдың «Мен сәлем жазамын» деп басталатын өлеңіхатөле ң үлгісінде берілген... ]. Хат салды. Хат жазып жіберді. Хат таныды. Оқып, жаза білді, сауатын ашты. Хат таныту. Сауат аштыру, сауаттандыру. Хат тіркеуші. Басқа мекемелерден келген хаттарды хаттаушы редакция қызметкері.