1омоним зат есім. 1. полиграфиялық. Мәтіннің көшірмесін түсіріп көбейту үшін ақ қағаздың астына қабатталып салынатын қағаздың қара түрі, көшіргі. 2. құрылыс. Ылғал өткізбеу үшін төсеніш ретінде пайдаланылатын битум немесе тағы басқа. қабығы бар құрылыс материалы.
2омоним зат есім. тарихи. советизм. 1941–1945 жылдардағы Ұлы Отан соғысы кезінде майданда қайтыс болған жауынгердің отбасына жіберілген қаралы хабар жазылған хаттың ел ішіндегі аты. Қарақағаз алды. Жақын кісісі майданда өлді деген қаралы хабар алды. Қарақағаз есік қаға бастады. бейнелі сөзқолданыс. Майданда өлген жауынгерлер туралы қаралы хабар елге жете бастады деген мағынада.