ЗАЛАЛ
[ араб тілі. ] зат есім. 1. Зиян, зарар, кесір. 2. құқықтық. Азаматтық құқық бойынша бір жеке не заңды тұлғаға екінші бір жеке не заңды тұлғаның құқыққа қарсы әрекетімен келтірілген ақшалай зияны. 3. экономикалық. Шығын мен шығасының табыстан (пайдадан) асып түсуі, кәсіпорынға не жеке тұлғаға қаржылай келтірілген зиян. Залал болды. Зияны тиді, кері әсері болды. Залал етті. Зиянын тигізді, залал келтірді. Залал келтірді. Кесірін тигізді, зиян жасады. Залал көрді. а) Зиян шекті. ә) Қиянат көрді. Залал қылды. Зиян келтірді, зақым қылды. Залал тапты. Зиянға ұшырады, зиян шекті, жамандық көрді. Залал тартты. Зиян шекті, зақымданды. Залалы жоқ. Зияны жоқ, залалсыз. Залалы тиді. Кесір келтірді, зияны тиді.